等咗2年，今晚終於有得睇《小人國5》，開心興奮！今晚第一場，係有d地方疊script 同唔順，但依舊好精彩，全劇分為8個故事組合而成，情節繼續反映現況，用咗抵死方法講故事、夠哂賤賤格格，演員又夠放，真係笑死人無命賠，笑足兩個鐘，完場時我已經笑到聲沙！當中嘅「抽水伊人」同「卸膊操」真係笑點爆燈！
不經不覺由第一季至今已過咗8年，由壽臣劇院，到葵青劇院，到今季在演藝劇院演出，場地變大，場數增多，有更多觀眾可以欣賞，確實好事，香港人真係好需要開心下架，好值得睇此劇，絕不能錯過！噢⋯ 又要再等另一個2年⋯
**************************
**官方介紹**
W創作社 X 梁祖堯 X 王菀之 X 邵美君 X 湯駿業 X 白只X 韋羅莎 X 鄧世昌 繼《小人國4》大hit「卸膊操」後全新第5集的笑爆「香港小人」陰濕喜劇
《小人國》系列由W創作社主辦，風車草劇團協辦，以嬉笑怒罵的手法，數臭「梗有一個喺你左近」的香港小人。07,09,11,13年公演的第1-4集，53場演出均票房全滿，累積超過 40,000 觀眾人次，笑聲掌聲不停，當中所創作的角色如基米高、馮陳美嬋、Heidi、Christine Law及鬼妹仔Rosemary均大受歡迎，而《小人國4》內的＜職場卸膊操＞視頻更在網上大hit，點擊率超過一千萬！ 全新內容的第5集將移師演藝學院歌劇院，於7月10日至26日爆笑公演，繼續由黃智龍擔任編劇及導演，演員陣容除了原有強勁「小人班底」梁祖堯、邵美君、湯駿業、白只及鄧世昌外，勇奪今屆香港電影金像獎最佳新演員及最佳女配角兩奬、曾演出第4集的王菀之再度參演，獲得今屆香港舞台劇獎最佳女主角提名的韋羅莎亦強勢加入「小人」聯盟。
編劇、導演：黃智龍
主演：梁祖堯、王菀之、湯駿業 、邵美君、白只、 韋羅莎、鄧世昌
不經不覺由第一季至今已過咗8年，由壽臣劇院，到葵青劇院，到今季在演藝劇院演出，場地變大，場數增多，有更多觀眾可以欣賞，確實好事，香港人真係好需要開心下架，好值得睇此劇，絕不能錯過！噢⋯ 又要再等另一個2年⋯
**************************
**官方介紹**
W創作社 X 梁祖堯 X 王菀之 X 邵美君 X 湯駿業 X 白只X 韋羅莎 X 鄧世昌 繼《小人國4》大hit「卸膊操」後全新第5集的笑爆「香港小人」陰濕喜劇
《小人國》系列由W創作社主辦，風車草劇團協辦，以嬉笑怒罵的手法，數臭「梗有一個喺你左近」的香港小人。07,09,11,13年公演的第1-4集，53場演出均票房全滿，累積超過 40,000 觀眾人次，笑聲掌聲不停，當中所創作的角色如基米高、馮陳美嬋、Heidi、Christine Law及鬼妹仔Rosemary均大受歡迎，而《小人國4》內的＜職場卸膊操＞視頻更在網上大hit，點擊率超過一千萬！ 全新內容的第5集將移師演藝學院歌劇院，於7月10日至26日爆笑公演，繼續由黃智龍擔任編劇及導演，演員陣容除了原有強勁「小人班底」梁祖堯、邵美君、湯駿業、白只及鄧世昌外，勇奪今屆香港電影金像獎最佳新演員及最佳女配角兩奬、曾演出第4集的王菀之再度參演，獲得今屆香港舞台劇獎最佳女主角提名的韋羅莎亦強勢加入「小人」聯盟。
編劇、導演：黃智龍
主演：梁祖堯、王菀之、湯駿業 、邵美君、白只、 韋羅莎、鄧世昌
沒有留言:
張貼留言