風車草劇團《忙與盲的奮鬥時代》原創音樂劇

近來有報告話香港人平均工作時數係世界第一，個個都係工作狂，我認我係其中一個！ 曾幾何時我每星期工作超過70小時，如果只計工時，我應該已經夠鐘退休! 到底咁樣做為mug? 當然最重要係為錢，但係我亦為一份責任感，亦為對得住自己嘅專業性去努力! 目下香港一批有權位人士，佢哋又做梗mug呢? 有時覺得自己屬於蟻民身份都努力做好，咁有能力嘅人又做咗mug嘢呢?

今晚睇 風車草劇團《忙與盲的奮鬥時代》原創音樂劇 ，用城市裏唔同場景唔同工作，去寓意我哋生活當中嘅無奈，亦同時暗暗帶出去年9月尾那段愁城回憶，淡淡嘅憂傷，依舊苦澀⋯ 表面幸福，實際真係開心真係可以相信？⋯ 遠大理想遙不可及，小人物依然會在小範圍努力，要證明自己嘅價值⋯ 最鍾意當中嘅歌詞「原來真正珍惜，就是學懂休息，心息就是心的休息⋯人生苦，有誰為你診症⋯⋯ Someday, you'll know where you are, remember ⋯」

身為蟻民，雖然力量很小，但只要我哋個個堅守做好自己嘅崗位，定必可以共同建立及守護我哋珍愛嘅城堡！當下，請珍惜，期盼⋯

**************

**官方介紹**

Always Busy

用歡笑聲回應這個年代



「撐起呢個社會嘅唔係上面嘅人 從來都係我地班基層市民」 香港人，各行各業都忙忙忙，忙到盲了，彷彿看不見那曾經可愛的香港。美好的事物，其實還在我們身邊。 風車草劇團繼《Q畸大道》、《I Love You Because》、《穿紅靴的貓》及《你咪理，我愛你，死未?》後，全新原創音樂劇－用正能量的笑聲、感動的淚水，唱出香港各行各業的甜酸苦辣－一群熱愛香港、有火紅的心的本地創作人創造一個屬於我們的音樂劇。

演員：梁祖堯、湯駿業、邵美君、白只、黃靖程、張國穎

導演：陳曙曦@天邊外劇場 填詞：梁栢堅 音樂總監：Alex Fung 馮翰銘

音樂創作/現場演奏：李一丁、Mike Orange

#風車草劇團 #忙與盲的奮鬥時代 #舞台劇 #梁祖堯 #湯駿業 #邵美君 #白只

黃秋生 x 吳君如 x 潘燦良 x 甄詠蓓《狂揪夫妻》神戲劇場

今晚睇第19場《狂揪夫妻》，劇帝影帝從容自若嘅演技無得輸，影后亦流暢自然（個人覺得比劉嘉玲上次舞台劇演出勁好多！）有時淡定，有時發癲，絕對要有好勁嘅energy！最勁係4個演員一氣呵成無間斷演出兩個小時，記憶力差d，力量少d都唔掂！

可惜今晚坐我哋後排的幾個中女，整晚不停發出假裝少女嘅無知笑聲，係又笑，唔係又笑，夠竟有mug Q 嘢咁好笑呀？係咪有病呀？成晚被騷擾到聽唔到對白，完全影響睇劇心情！
*****************
**官方介紹**
黃秋生 x 吳君如 x 潘燦良 x 甄詠蓓《狂揪夫妻》神戲劇場
《Equus馬》 於第24屆香港舞台劇獎頒獎典禮榮獲「十大最受歡迎製作」及「最佳化妝造型」獎項，而導演Olivia早前亦獲香港藝術發展局頒發年度藝術家獎(戲劇界別)，足見製作團隊的努力得到業界的肯定。Equus贏盡票房及口碑，神戲劇場的製作成為普羅觀眾心目中的信心保證。 劇團的第二個演出《狂揪夫妻》改篇自法國著名得獎編劇Yasmina Reza的得獎作品《God of Carnage》，將於2015年8月在香港演藝學院歌劇院上演。星級演員陣容包括兩位藝術總監秋生與Olivia ，影后吳君如，劇壇王子潘燦良。電影界及舞台界神級演員難得同場演出，本劇勢必成為本年度劇壇最具話題之作。
故事簡介 故事緣起自兩個家庭的孩子在公園打鬥受傷，雙方父母因而相約在受害孩子家商討解決辦法。四人在開始時都表現得相當客氣和有教養，但漸漸在言談間出現矛盾、對立，一句說話、一件小事都輕易觸動起各人的敏感神經，更暴露了兩對夫婦關係的矛盾和背後的問題。 兩對夫婦明明為自己兒子的事而爭辯，但「戰火」更蔓延至夫婦之間，這邊男士鬥女士，那邊則丈夫鬥妻子。四人喝著酒，冷嘲熱諷、互相指罵、爭執喊叫、扔東西、繼而失去理性，暴力相待。罵戰越鬥越激，文明討論最終演變成為一場野蠻衝突的鬧劇。

三角關係「勁金歌曲～請您記住我」

我每日都用不同自製歌單伴隨生活，番工憤怒時聽rock幫助咆哮，落雨天聽感性韓劇OST，想輕鬆就聽R&B。。。 所以今晚睇「勁金歌曲～請您記住我」更有feel，因為用歌曲講故事，每首歌都係一個場景，一個故事，音樂加上文字意思，很易令人感動同共鳴！今晚無論出名定唔出名嘅演員，都唱得非常好，加上現場演奏，歌聲更易令人感動！而趙增熹嘅現場伴奏，完全揮灑自如（識彈琴嘅男人真係好charm），加上 林欣彤 x 龔柯允 嘅天使之音，實屬此劇亮點。今晚比較鍾意「歡樂今宵」一幕，可能我都試過唱卡拉OK爆喊罷！亦喜歡「我來自火星」，因為龔柯允好可愛！而中場後段節奏有點慢，如果可以壓縮下應該會比較好！

而我最有感受，反而係講大家對音樂的使用習慣及專重嘅改變！除咗聽收音機之外，我只會聽用錢購買嘅音樂，要專重音樂，拒絕反版！其實一首4分鐘嘅歌，當中用咗幾多人嘅心血同情感，作曲作詞編曲演唱演奏，我哋大概只係攞出$8-10/@，就可以換取4分鐘x N次嘅感動，其實很抵！

********

三角關係 X 趙增熹 X 林欣彤 X龔柯允 X 糖兄@糖兄妹．王嘉儀

還可否 請您記住我

特邀演出︰趙增熹 林欣彤 龔柯允

創作及演出︰徐羨曾 / 馬志豪 / 譚國明

現場演奏︰糖兄@糖兄妹 王嘉儀

無伴奏合唱︰Orange a cappella 

編劇及導演︰馬志豪

演出︰李頊珩、黃如妹

#三角關係 #趙增熹 #林欣彤 #龔柯允 #糖兄@糖兄妹 #王嘉儀 #勁金歌曲 #舞台劇

W創作社《小人國5》

等咗2年，今晚終於有得睇《小人國5》，開心興奮！今晚第一場，係有d地方疊script 同唔順，但依舊好精彩，全劇分為8個故事組合而成，情節繼續反映現況，用咗抵死方法講故事、夠哂賤賤格格，演員又夠放，真係笑死人無命賠，笑足兩個鐘，完場時我已經笑到聲沙！當中嘅「抽水伊人」同「卸膊操」真係笑點爆燈！

不經不覺由第一季至今已過咗8年，由壽臣劇院，到葵青劇院，到今季在演藝劇院演出，場地變大，場數增多，有更多觀眾可以欣賞，確實好事，香港人真係好需要開心下架，好值得睇此劇，絕不能錯過！噢⋯ 又要再等另一個2年⋯

**************************
**官方介紹**

W創作社 X 梁祖堯 X 王菀之 X 邵美君 X 湯駿業 X 白只X 韋羅莎 X 鄧世昌 繼《小人國4》大hit「卸膊操」後全新第5集的笑爆「香港小人」陰濕喜劇



《小人國》系列由W創作社主辦，風車草劇團協辦，以嬉笑怒罵的手法，數臭「梗有一個喺你左近」的香港小人。07,09,11,13年公演的第1-4集，53場演出均票房全滿，累積超過 40,000 觀眾人次，笑聲掌聲不停，當中所創作的角色如基米高、馮陳美嬋、Heidi、Christine Law及鬼妹仔Rosemary均大受歡迎，而《小人國4》內的＜職場卸膊操＞視頻更在網上大hit，點擊率超過一千萬！ 全新內容的第5集將移師演藝學院歌劇院，於7月10日至26日爆笑公演，繼續由黃智龍擔任編劇及導演，演員陣容除了原有強勁「小人班底」梁祖堯、邵美君、湯駿業、白只及鄧世昌外，勇奪今屆香港電影金像獎最佳新演員及最佳女配角兩奬、曾演出第4集的王菀之再度參演，獲得今屆香港舞台劇獎最佳女主角提名的韋羅莎亦強勢加入「小人」聯盟。

編劇、導演：黃智龍

主演：梁祖堯、王菀之、湯駿業 、邵美君、白只、 韋羅莎、鄧世昌 

三角關係《廢坑的黃色笑話之條鐵是這樣煉成的》

上星期擔心有流血衝突，最終「政壇奇蹟日」由悲轉笑，真心覺得劇情比周星星電影好笑！今晚睇三角關係《廢坑的黃色笑話之條鐵是這樣煉成的》，係諗住笑一餐，但結果就由笑轉哀，睇到尾段及至此刻，眼淚尚在微微滾動！去年秋天的79日，令劇團用心（我相信亦用淚）加上對香港嘅愛寫成此劇，有深情喻意，用咗好好嘅比喻方法說著香港當下的真真假假與及人和事，雖然用咗一些攪笑手法演出，但我實際感覺反而係悲傷有淚，最大感觸係那句「雖然失望，但不要絕望！」

無論你對那79天的定價如何，只要係香港人，睇此劇都應該會有所感悟，別錯過！

************************

**官方介紹**

我同你地係唔同嘅！

我少去金鐘，唔知催淚彈咩嘢味道，露營都未試過，更加唔會瞓街啦！ 你地班友成日叫人罷睇cctvb，但係我老母晚晚唔追膠劇就瞓唔著㗎，我唔陪佢睇真係好不孝；早排見班學生喺牆上面貼滿晒五顏六色嘅便條紙，我覺得好唔環保囉，聽講重話有個咩街邊自修室，係咪乘機去拍拖玩唔返屋企咋？細路，中學生不應談戀愛呀！

我知，我講野好多人都唔啱聽，咁你咪照樣unfriend我囉，不過我連facebook都無喎。政治嘅野，關我遮事咩！ 不過好彩，家陣條路通番，啲車塞番，警察光明番，社會和諧番，生活正常番。咁就最好啦，係咪?

故事從一間多人合租的天台劏房開始。因為一件突發的社會跌橙事件，令這裡本來安排好的休息秩序產生了混亂，透過不同背景年齡性別的租客碰面、嗌交、談心、唱遊等不同表演形式，呈現七十九天後香港人的正常生活。

本節目可能含不雅用語、潮語、男扮女易服癖、暗角見鬼恐佈場面、警民關係冷笑話、政治內容等等等等，不適合沒有幽默感人士觀看，敬請留意。

「發燒碟」天后Susan Wong

今晚被邀參加一個小型音樂會，由「發燒碟」天后Susan Wong同Live Band 現場演唱，屬於silence concert，觀眾需要帶上靚headphone SONY MDR-1A 接收原音現場，否則你就算坐在歌手旁邊都係mug都聽唔到！今晚終於知道mug嘢係靚聲，原來真係清到一粒沙都無！雖然個show好短，不過都幾好聽，幾得意！Happy Friday!