中英劇團 「孤星淚 Les Miserables」

之前一直諗「中英劇團」會如何處理「雨果」嘅經典故事「孤星淚」，故事同演員水準都唔駛多講，肯定有保證，只係佢哋會用mug嘢手法呢？有限嘅人力物力，當然無法做到偉大場面，亦無法花費高昂歌曲版權以歌舞版展示，最後竟然係用「貧窮劇場」形式表演！一切台上工作都由演員負責，又要轉境，又要一人分飾多角，頌要現場奏樂。我睇唔到邊個有份演奏，亦可惜場刊亦沒有列出。舞台特別，同服飾亦非常配合，我對此劇嘅整體表現都很滿意。

「Les Miserables」意思係「悲慘世界」，那個世代嘅悲慘比較簡單，主要係有無温飽同顧慮自身安危，咁我哋呢？雖然我哋享受到比前人更好嘅衣食住行，而且肉身尚算自由，但精神同思想卻又總係永遠身不由己，劇中人要出賣勞力出賣身體，現代人卻要出賣自尊出賣思想，百般無奈。。。或許我哋只係演繹住另一世代嘅「Les Miserables」