W創作社「小人國 4」

我期待超過一年，部署訂飛超過半年 嘅舞台劇「小人國 4」 ，今晚終於可以同幾個永遠年青嘅大朋友同2個成熟細路一切睇！開心！

「小人國」係一套反映香港文化嘅賤賤格格喜劇，每次都會用一d抵死嘅角度，誇張形體同到肉對白，表達當時當刻嘅香港文化氣息。此劇由多個小單元組成，內裡有部份鮮明角式每個season都會出場，因為熟識佢哋嘅性格，一出場就會令觀眾特別興奮！而今次玩「孤星淚」嘅歌，同教授「辦公室卸膊操」都好攪笑，而皇牌「馮陳美嬋 vs 基米高」另加王菀之嘅「王伯」，真係笑死人無命賠呀！而各男演員反串真係妖到爆，當中我最鍾意粗壯「白只」所扮演嘅Heidi，梳住負離子長髮，著住露胸露臍bling bling長裙。。。嘩，真係超攪笑！

雖然今日落雨落到癲，又急又趕又濕哂，不過睇完li個劇，心情變得開心又興奮，連雨都停咗，突然感覺世界都變得美好。。。噢，但係我又要再開始期待「小人國 5」嘅日子喇～！哈哈。。。