三角關係「勁歌金曲2～誰比你重要」

睇“三角關係”嘅「勁歌金曲2～誰比你重要」尾場，用多首金曲串連作對白同說故事，算是對廣東流行曲作致敬。清新簡約有格調嘅場景/服飾配合好有feel嘅音樂/燈光，將一個女人兩段情，以03年沙士一段另加上約85年開始嘅一段，兩個時空同台交替。。。一首首張國榮唱嘅歌，一段段佢嘅讀白，或者係劇場音效太好，我真係覺得「哥哥」响現場唱，又攪到我有d眼濕濕。雖然「哥哥」已經離開10年，每到li段日子，總會有心痛嘅感覺。「。。。願意今生約定，他生再擁抱！」有時一些人一些事，唔會因為時間過去而淡忘，每次再聽到一d音樂，見到一件物品，你又會記起前塵往事。。。而故事中嘅女主角，令我想起日本翻譯小說「藍，或另一種藍」，就係講無論點去選擇，最終每個選擇都總會有欠缺有遺憾。。。此劇將會於9月re-run，喜歡舊有情懷嘅你，就唔好錯過喇！