"風車草劇團" 《你咪理，我愛你，死未！》

十幾年內第三次睇"風車草劇團" 《你咪理，我愛你，死未！》，就係因為此劇，我愛上睇舞台劇！上次演出在大場比較grand，今次回歸壽臣劇院，感覺更合適！十幾年後同樣嘅演員come back，演出更入血，演技昇華到更高層次，成件事都變得更成熟更精彩！今次故仔依據時代變遷，作出咗修改同濃縮，更地道，節奏更緊湊！

此劇是用好多個小故事組成，講述男人同女人嘅關係，對白精采抵死，幾個人嘅和音對唱，故仔笑中有message，實際唔係單攪笑。今次come back我個人最鍾意「保証滿意」、「恐懼鬥室婚姻介紹所」、「BB父母搞乜鬼」⋯真係笑鬼死，其實幕幕都喜歡！此劇依然是我至今的最愛之一, 我一定會繼續支持風車草劇團, 繼續支持舞台劇, 等待住佢哋下次演出…..

P.s. 十幾年前睇「蝦頭」，覺得佢好肥大但可愛，今次睇覺得佢變咗靚女，但以前同現在都一樣，佢演技依然了得，我一樣咁鍾意！

#Windmill Grass Theatre #你咪理我愛你死未！#蝦頭#梁祖堯 #湯駿業 # 邵美君 #風車草劇團 #舞台劇

陳輝陽 x 女聲合唱《少女的祈禱》作品音樂會(重演)

今晚去"麥花臣場館"睇 「陳輝陽 x 女聲合唱《少女的祈禱》作品音樂會(重演)」，一個特別嘅演出，全部耳熟能詳流行曲，但以2個超勁鋼琴家伴奏及28個女仔以合唱方法重新演譯，感覺好似天使唱歌比你聽。

喜歡陳輝陽完場前分享籌劃嘅經歷與難度，喜歡佢分享咗同林久嘅友情關係（人生知己真的難求），喜歡場刊嘅感言，喜歡靚仔鋼琴家KJ嘅演奏（男仔識彈琴特別charm），喜歡觀眾對演出者嘅專重！

*********
**官方介紹**

陳輝陽 x 女聲合唱《少女的祈禱》作品音樂會(重演兩場)

陳輝陽 x 女聲合唱正如火如荼地錄制專輯。第一主打《少女的祈禱》，好快就有得聽啦，大家期待下先啦！8月個場非常精彩，一次過聽曬勁多首經典流行曲，有《暗湧》、《終身美麗》、《垃圾》、《人來人往》、《黑夜不要來》、《Shall We Talk》等等，見到歌單系咪好興奮呢？

少女的祈禱 (重演兩場) —— 陳輝陽 x 女聲合唱
指揮 : 劉卓熙
鋼琴 : 黃家正 林希晴
聯同28位女聲
走出音樂廳,殺入旺角麥花臣

#陳輝陽#女聲合唱#少女的祈禱#黃家正

《大殉情》一舖清唱

入場睇跳舞老師有份參演嘅《一舖清唱～大殉情》音樂劇場，9個人用簡單道具，形體動作及以 a cappella 形式去表達劇情，好有趣亦幾攪笑！個個演員用盡渾身解數聲演各種角色，睇完真係有啲擔心佢哋把聲會爛呀！而當中最鍾意由「屈原」所主唱嘅「屈清屈楚」，曲詞都好！雖然個劇唔長，但我反而覺得啱啱好，喜歡！

**題外話：今晚演出地點係高山劇場，我已經N世紀無去過，改變真係好大，仲記得以前參加夾band比賽就係li個場，自己嘅表演係點就唔多記得，只係記得睇住長頭髮亞Paul(Beyond)當日做表演嘉賓嘅rehearsal⋯往事如煙⋯⋯

**************************

《大殉情》一舖清唱

**節目推介**

2014年香港新視野藝術節首演獲高度評價！

一齣融合音樂、形體、戲曲及戲劇的無伴奏合唱音樂劇場作品 。

常言道文人多大話。古往今來，發生過幾多轟轟烈烈之殉情事件，記諸史冊，又流傳民間，見於舞榭歌台，又復使人刻骨銘心？箇中有幾多是童叟無欺，擔得起 偉大之名？大家暫且忘記虛幻，認清事實。

就在綜藝節目《殉情不得了》的大舞台，一眾往生的殉情男女，魂兮歸來大比拼， 載歌載舞，述言論志，以證明自已係死得其所，死得偉大！經過幕後激烈之初賽篩選，能夠登上《殉情不得了》的舞台上者，只有五對史上著名殉情男女 -- 梁山伯與祝英台、羅密歐與茱麗葉、蝴蝶夫人、長平公主與世顯駙馬，以及如花和十二少！而擔當裁判之責的，則是低低在下又高高在上的「中國好陰間」評判團！ 到底鹿死誰手，真係入場至知！

#大殉情#一舖清唱#無伴奏合唱音劇場

張學友「A CLASSIC TOUR」經典世界巡回演唱會

昨晚入場睇一票難求嘅張學友「A CLASSIC TOUR」經典世界巡演，張學友唱功依然超勁，估唔到身材超fit，依然可以又唱又跳，配上招牌蘭花手及震音，加上史上最利害最靚嘅舞台，最靚嘅燈光同音響，整個演唱會都非常完美，絕對係頂級質素！今晚睇得好開心！

**溫馨提示：絕對不要遲入場，因為個show絕對會於8:15準時開始架！

**題外話：由附近商場餐廳開始，到洗手間，什至入到場館，我身邊嘅人都係講普通話，香港人到底去咗邊？

*************
**節目推介**

歌神張學友引爆全球華人音樂盛事！

今年，張學友將展開「A CLASSIC TOUR」經典世界巡演，回應樂壇的期盼以及一眾歌迷的等待！距離上次的「1/2世紀演唱會」2012年5月30日的第146場，已是4年前，那次的巡演以18個月內完成146場演出，再次創下華人歌手單次巡回演唱會的場次新紀錄，並以12個月內觀眾總數2,048,553人次打破了健力士世界紀錄。

為呼應之前《Wake Up Dreaming醒著做夢》專輯封面的澎湃氣勢，這次演唱會視覺效果同樣以超震撼姿態呈現-----以經典之火的元素，象徵一段永恆經典之旅的焠鍊，不只集結了經典歌曲，更代表了CLASSIC的所有寓意 : 」歌神」張學友是如此經典、傑出的大藝術家，他為華語樂壇創造出太多奇跡，也締造了無數經典，簡而言之，他是活生生的傳奇！

這次演唱會對張學友來說是個意外驚喜，完成「1/2世紀演唱會」後，他總懷疑自己還能不能再做這種又唱又跳的表演。在評估過體力及身體狀況後，他決定再挑戰自己，希望把過去一些留給自己印象深刻的經典表演，無論是歌曲、舞蹈或是一些場面集合整理後，在這次演唱會的舞台上重新呈現一次，更希望這次演唱會日後也能成為「經典」留在大家心目中。

#張學友

#aClassicTour

#Jacky Cheung

#演唱會

風車草劇團《北極光之戀Almost, Maine》

冷冰冰嘅天氣襯托下，入場睇風車草劇團《北極光之戀Almost, Maine》，感覺好配合，好靚嘅冰天雪地場景! 此翻譯劇是由9個發生在寒冷天氣的愛情小故事組合而成，有些略為平淡，但亦有一些很有趣的，就如 「They Fell」, 「Seeing the Thing」…… 但當中最愛 「Getting it Back」，看著男與女如何把「愛」量化，由鬧分手，到理解，到甜蜜，好攪笑，好Sweet!

題外話: 我覺得冰天雪地真系好難談情，我只會想快Ｄ入屋同食火鍋囉！

*****************************

**官方介紹**

風車草劇團2016 好想見你
風車草 x 彭秀慧
細膩演繹 觸動心靈《北極光之戀》 Almost, Maine by John Cariani

要放下什麼 才可以抱著你 在地球最冷的地方相遇 從陌生人變成朋友，從朋友變成情人，再從情人再變回陌生人 在得到快慰與確定落空的片刻 我看見愛情那時我許下一個誓言，溶雪前我們會再遇見 彭秀慧獨特女性劇場的愛情觸覺與風車草對生命及生活的細緻質感碰上了，在這動蕩不安的歲月里，一起悸動多一點，會心微笑多一點。 繼《I Love you because》、《你咪理，我愛你，死未？》後，風車草再次製作愛情喜劇，與你一起尋找北極光下的真愛。

編劇：John Cariani
導演：陳焯威
主演：梁祖堯、彭秀慧、湯駿業、邵美君

#風車草劇團 #北極光之戀 #梁祖堯 #彭秀慧 #湯駿業 #邵美君 #AlmostMaine

HK Phil “The Regal Concierto de Aranjuez”(結他天后楊雪霏)

與女兒睇咗一個好好嘅音樂會～HK Phil “The Regal Concierto de Aranjuez”(結他天后楊雪霏)，很喜歡整晚的program ，全是出名亦讓人愉快的樂曲!

當中的《An American in Paris》非常有電影感，開始時我腦中出現 柯德莉夏萍「羅馬假期」畫面，跟住變咗「交響情人夢-歐洲編」，一首令人腦袋暫時輕鬆遊走世界嘅樂曲，喜歡！亦特別喜歡《Concierto de Aranjuez》當中的Adagio樂章，古典結他與英國號一奏一和，情感絞纏，真係聽到我個心騷軟哂呀~~! (當然as usual,女兒認為我感受太誇, 表示反眼 ) Anyway，一個很好的音樂會，一個很舒服愉悅的晚上!

題外話: 是晚感恩沒有觀眾亂拍手，可惜身邊觀眾有幾對母女不停說話，要我示意請他們收聲幾次，OMG，我知近期是CONCERT REPORT高峰期，研究個REPORT係要完SHOW後慢慢講架! 唔好騷擾其他人好唔好? 真希望觀眾能夠懂得RESPECT多一點!

******************************
**節目推介**

節目包括兩西班牙作品—盧狄高的《阿蘭胡埃斯》和比才性感熾熱的《卡門》組曲；另外還有兩首美國作曲家歌舒詠的經典作品《個美國人在巴黎》和《波吉與貝絲》組曲。由楊雪霏手上拿著的木結他、《一個美國人在巴黎》的汽車響按，到《波吉與貝絲》中能把觀眾帶到南卡羅來納州的班卓琴獨特的聲音，以上種種都令音樂會充滿色彩。

音樂會的焦點落在被譽為世界上最佳古典結他演奏家之一的楊雪霏身上。《愛爾蘭時報》讚揚楊雪霏：「對樂曲（《阿兰胡埃斯》）完全掌握，演奏充滿新鮮感及驚喜」。盧狄高的《胡埃斯》以管弦樂協調地襯托出結他獨特的聲音並擴展開去，把觀眾帶到馬德里附近的王宮及其傳奇的西班牙庭園。

歌舒詠的《一個美國人在巴黎》靈感來自巴黎著名大道的聲音及城市的互動和風格，敘述來自美國北方旅客眼中的巴黎，並以藍調和爵士樂描繪其突如其來的鄉愁。音樂會下半場講述兩個截然不同的偉大愛情故事─比才充滿戲劇性和悲劇的《卡門》；和歌舒詠《波吉與貝絲》所描述美國南部的戀愛故事。

指揮謝利2015年9月成為加拿大國家藝術中心樂團的音樂總監，指揮技巧獲得好評如潮。《渥太華公民報》讚揚他「改變了整個樂團… 充滿渴求、大膽、被解放了」。生於英國的謝利也是皇家愛樂樂團的首席副指揮，並經常指揮世界各地的知名樂團。

香港管弦樂團「港樂．星夜．交響曲」(HKPhil ~ Under The Stars)

今晚又係去維港邊睇HKPHIL露天音樂會嘅日子，睇show前去國金City's Super買嘢食，好似淪陷一樣，好恐怖！

2萬人睇concert，氣氛唔錯，好天氣，好夜景配好音樂，好feel!

**************

**官方介紹**

一年一度、全城矚目的太古「港樂．星夜．交響曲」載譽重臨！以絕美維港夜色作佈景，你的香港管弦樂團將演奏一系列醉人古典名曲，加上風趣幽默的主持人Harry哥哥作導航，當然還有璀璨的煙火作點綴！快約定你的親朋好友到中環海濱，在這閃耀星空下度過一個難忘的夜晚！

節目 羅西尼 -《西維利亞理髮師》：序曲
哈察都量 -《風雲群英會》：慢板
白遼士 -《浮士德的天譴》：拉科西進行曲
杜卡 -《魔法師的弟子》
李斯特 - 貝多芬《雅典的廢墟》主題幻想曲
艾爾加 -《謎語變奏曲》: 獵人
穆索斯基 -《荒山之夜》
聖桑 -《參孫與大利拉》：醉狂之舞