風車草劇團「只談喜愛 不談戀愛」

今晚睇首場「只談喜愛 不談戀愛」，演出沒有令人失望，給我一個開心嘅夜晚。劇情有d似2013年一套電影「About Time」，一個可穿越時空嘅男仔，不停回到過去修正與女孩嘅相處方法，從而建立一段關係⋯ 故事探討人生經歷是否有得修正就可以得到最好呢？如果可以修正歷史，雖然有些事改善咗，但有些事可能亦會同時失去，到底是禍是福，真係好難講。所以都係唔好諗咁多，繼續好好回味自己嘅經歷，積極面對錯誤，要去改就改自己嘅將來！

今晚亮點係當奴嘅幾段戲，好攪笑！特別係「體育世界」一幕，好鍾意！而湯駿業自己做哂編、監、導、演，真係唔簡單！此劇有live band加小塵埃嘅歌聲，加重咗那份獨特嘅氣質！

**官方介紹**

湯駿業繼《築地哈林》之後全新音樂劇場
《只談喜愛 不談戀愛》

風車草劇團的湯駿業繼《築地哈林》之後，再次編導一個讓人感動的音樂劇場，聯同白只及音樂鬼才Edward Chan，帶領組合小塵埃、當奴、蔡運華及陸昕，一起進入這個有限的時空，經歷一段可能被忘懷的故事。

編劇: 湯駿業
音樂總監: Edward Chan
聯合導演: 湯駿業、凌智豪 (白只)
主演: 湯駿業、當奴@903、蔡運華、陸昕、湯凱婷@小塵埃、屈霆軒@小塵埃