2016年1月3日 星期日

「戇大人」 音樂劇

朋友雖然無興趣,但我始終都想睇「戇大人 - 音樂劇」,所以繼續入場。睇poster就以為係用歐洲舊時代,但實際係改編成一個虛擬世界,場景用簡潔嘅Tiffany Blue同亞金,只有一張長枱,一張豆豆梳化,一支水晶燈,二十幾個演員穿上同系列裝扮,配合唔同燈光,但成個感覺都好型,完全唔老土!

用現場管弦樂團演奏,百老匯式群舞,配上有趣歌詞嘅對唱,攪笑形體動作,成個劇都好有觀賞性!而今季劇團多咗好多新面孔,應該可以令日後演出有更多inspiration!

雖然此劇係一個舊劇目,但編劇將好多現今香港情況輕輕套入當中嘅攪笑位,諷刺現今境地,雖然好好笑,但我感覺中多咗一陣苦澀味!

**************
**
官方介紹**

**
戇大人 - 音樂劇**

全新演繹喜劇名作 當代元素借歌諷今

市長召開緊急會議,告知手下一眾官吏有政要高官將會出訪的消息。驚慌失措之下,他們將路過的潦倒小伙子誤認為微服出訪的高官,爭相巴結,阿諛奉承。小伙子莫名其妙受到無上禮遇,還差點成了市長的乘龍快婿。當真正的高官到來之後,這一連串的笑話和鬧劇,究竟如何收場?

《戇大人》改編自俄國現實主義文學大師果戈里的諷刺喜劇名作《欽差大臣》,以典型生動的人物形象、幽默緊湊的情節以及凌厲挖苦的諷刺筆調,深刻揭露腐敗無能的官僚制度,以及人性的貪婪和慾望。中英將加入25人管弦樂團現場伴奏,以音樂劇形式改編名作,借歌諷今,為這齣經典傑作注入當代喜劇元素。


#戇大人 #中英劇團 #音樂劇 #舞台劇

2016年1月1日 星期五

「叱咤 2015」頒獎禮

今年終於有飛睇「叱咤」頒獎禮,由場刊至出場編排都有型有格!今晚主要想支持Juno同坤哥,結果真係好amazing,坤哥攞哂3個大獎,真係用一人一票將佢推上台,結果係喜出望外,全場人都替佢開心!佢嘅天然呆依舊非常攪笑,好cute! 佢實現咗一個平凡人嘅希望,就算幾平凡,只要唔放棄,比心機去努力,終有出頭之日!希望坤哥要keep住純真嘅心,繼續努力加油!

以前唔鍾意Juno,覺得佢靠父蔭又買Fans,但經歷咗10多年,佢無理其他人,只做好自己嘅歌,真心覺得佢嘅歌其實好好聽同有格調。好彩今晚佢都攞咗「大碟獎」,全場為佢歡呼鼓掌,所有人都已經接受咗佢!又係一個唔放棄做好自己嘅實例!

另一贏家Supper Moment,亦係衝過好多困難做出好多好聽嘅歌,就如「幸福之歌」,叫人要懂得感恩,要我哋記住本來就是一無所有,簡簡單單就已經好幸福⋯⋯

今晚全部歌手都有個勵志故事,而一人一票又真係會改變一d既有局面,往往會有一個令人意想不到嘅結果產生⋯⋯ 原來做人仲有選擇權的話,係何等美好嘅事情!是嗎?


 #903 #叱咤

2015年10月2日 星期五

風車草劇團《忙與盲的奮鬥時代》原創音樂劇

近來有報告話香港人平均工作時數係世界第一,個個都係工作狂,我認我係其中一個! 曾幾何時我每星期工作超過70小時,如果只計工時,我應該已經夠鐘退休! 到底咁樣做為mug? 當然最重要係為錢,但係我亦為一份責任感,亦為對得住自己嘅專業性去努力! 目下香港一批有權位人士,佢哋又做梗mug呢? 有時覺得自己屬於蟻民身份都努力做好,咁有能力嘅人又做咗mug嘢呢?

今晚睇 風車草劇團《忙與盲的奮鬥時代》原創音樂劇 ,用城市裏唔同場景唔同工作,去寓意我哋生活當中嘅無奈,亦同時暗暗帶出去年9月尾那段愁城回憶,淡淡嘅憂傷,依舊苦澀⋯ 表面幸福,實際真係開心真係可以相信?⋯ 遠大理想遙不可及,小人物依然會在小範圍努力,要證明自己嘅價值⋯ 最鍾意當中嘅歌詞「原來真正珍惜,就是學懂休息,心息就是心的休息⋯人生苦,有誰為你診症⋯⋯ Someday, you'll know where you are, remember ⋯」

身為蟻民,雖然力量很小,但只要我哋個個堅守做好自己嘅崗位,定必可以共同建立及守護我哋珍愛嘅城堡!當下,請珍惜,期盼⋯

**************

**
官方介紹**

Always Busy

用歡笑聲回應這個年代



「撐起呢個社會嘅唔係上面嘅人 從來都係我地班基層市民」 香港人,各行各業都忙忙忙,忙到盲了,彷彿看不見那曾經可愛的香港。美好的事物,其實還在我們身邊。 風車草劇團繼《Q畸大道》、《I Love You Because》、《穿紅靴的貓》及《你咪理,我愛你,死未?》後,全新原創音樂劇-用正能量的笑聲、感動的淚水,唱出香港各行各業的甜酸苦辣-一群熱愛香港、有火紅的心的本地創作人創造一個屬於我們的音樂劇。

演員:梁祖堯、湯駿業、邵美君、白只、黃靖程、張國穎

導演:陳曙曦@天邊外劇場 填詞:梁栢堅 音樂總監:Alex Fung 馮翰銘

音樂創作/現場演奏:李一丁、
Mike Orange

#風車草劇團 #忙與盲的奮鬥時代 #舞台劇 #梁祖堯 #湯駿業 #邵美君 #白只

2015年8月28日 星期五

黃秋生 x 吳君如 x 潘燦良 x 甄詠蓓《狂揪夫妻》神戲劇場

今晚睇第19場《狂揪夫妻》,劇帝影帝從容自若嘅演技無得輸,影后亦流暢自然(個人覺得比劉嘉玲上次舞台劇演出勁好多!)有時淡定,有時發癲,絕對要有好勁嘅energy!最勁係4個演員一氣呵成無間斷演出兩個小時,記憶力差d,力量少d都唔掂!


可惜今晚坐我哋後排的幾個中女,整晚不停發出假裝少女嘅無知笑聲,係又笑,唔係又笑,夠竟有mug Q 嘢咁好笑呀?係咪有病呀?成晚被騷擾到聽唔到對白,完全影響睇劇心情!
*****************
**
官方介紹**
黃秋生 x 吳君如 x 潘燦良 x 甄詠蓓《狂揪夫妻》神戲劇場
《Equus馬》 於第24屆香港舞台劇獎頒獎典禮榮獲「十大最受歡迎製作」及「最佳化妝造型」獎項,而導演Olivia早前亦獲香港藝術發展局頒發年度藝術家獎(戲劇界別),足見製作團隊的努力得到業界的肯定。Equus贏盡票房及口碑,神戲劇場的製作成為普羅觀眾心目中的信心保證。 劇團的第二個演出《狂揪夫妻》改篇自法國著名得獎編劇Yasmina Reza的得獎作品《God of Carnage》,將於2015年8月在香港演藝學院歌劇院上演。星級演員陣容包括兩位藝術總監秋生與Olivia ,影后吳君如,劇壇王子潘燦良。電影界及舞台界神級演員難得同場演出,本劇勢必成為本年度劇壇最具話題之作。
故事簡介 故事緣起自兩個家庭的孩子在公園打鬥受傷,雙方父母因而相約在受害孩子家商討解決辦法。四人在開始時都表現得相當客氣和有教養,但漸漸在言談間出現矛盾、對立,一句說話、一件小事都輕易觸動起各人的敏感神經,更暴露了兩對夫婦關係的矛盾和背後的問題。 兩對夫婦明明為自己兒子的事而爭辯,但「戰火」更蔓延至夫婦之間,這邊男士鬥女士,那邊則丈夫鬥妻子。四人喝著酒,冷嘲熱諷、互相指罵、爭執喊叫、扔東西、繼而失去理性,暴力相待。罵戰越鬥越激,文明討論最終演變成為一場野蠻衝突的鬧劇。

2015年7月27日 星期一

三角關係「勁金歌曲~請您記住我」

我每日都用不同自製歌單伴隨生活,番工憤怒時聽rock幫助咆哮,落雨天聽感性韓劇OST,想輕鬆就聽R&B。。。 所以今晚睇「勁金歌曲~請您記住我」更有feel,因為用歌曲講故事,每首歌都係一個場景,一個故事,音樂加上文字意思,很易令人感動同共鳴!今晚無論出名定唔出名嘅演員,都唱得非常好,加上現場演奏,歌聲更易令人感動!而趙增熹嘅現場伴奏,完全揮灑自如(識彈琴嘅男人真係好charm),加上 林欣彤 x 龔柯允 嘅天使之音,實屬此劇亮點。今晚比較鍾意「歡樂今宵」一幕,可能我都試過唱卡拉OK爆喊罷!亦喜歡「我來自火星」,因為龔柯允好可愛!而中場後段節奏有點慢,如果可以壓縮下應該會比較好!
而我最有感受,反而係講大家對音樂的使用習慣及專重嘅改變!除咗聽收音機之外,我只會聽用錢購買嘅音樂,要專重音樂,拒絕反版!其實一首4分鐘嘅歌,當中用咗幾多人嘅心血同情感,作曲作詞編曲演唱演奏,我哋大概只係攞出$8-10/@,就可以換取4分鐘x N次嘅感動,其實很抵!

********

三角關係 X 趙增熹 X 林欣彤 X龔柯允 X 糖兄@糖兄妹.王嘉儀

還可否 請您記住我

特邀演出︰趙增熹 林欣彤 龔柯允
創作及演出︰徐羨曾 / 馬志豪 / 譚國明
現場演奏︰糖兄@糖兄妹 王嘉儀
無伴奏合唱︰Orange a cappella 
編劇及導演︰馬志豪
演出︰李頊珩、黃如妹

#三角關係 #趙增熹 #林欣彤 #龔柯允 #糖兄@糖兄妹 #王嘉儀 #勁金歌曲 #舞台劇