風車草劇團「只談喜愛 不談戀愛」

今晚睇首場「只談喜愛 不談戀愛」，演出沒有令人失望，給我一個開心嘅夜晚。劇情有d似2013年一套電影「About Time」，一個可穿越時空嘅男仔，不停回到過去修正與女孩嘅相處方法，從而建立一段關係⋯ 故事探討人生經歷是否有得修正就可以得到最好呢？如果可以修正歷史，雖然有些事改善咗，但有些事可能亦會同時失去，到底是禍是福，真係好難講。所以都係唔好諗咁多，繼續好好回味自己嘅經歷，積極面對錯誤，要去改就改自己嘅將來！

今晚亮點係當奴嘅幾段戲，好攪笑！特別係「體育世界」一幕，好鍾意！而湯駿業自己做哂編、監、導、演，真係唔簡單！此劇有live band加小塵埃嘅歌聲，加重咗那份獨特嘅氣質！

**官方介紹**

湯駿業繼《築地哈林》之後全新音樂劇場
《只談喜愛 不談戀愛》

風車草劇團的湯駿業繼《築地哈林》之後，再次編導一個讓人感動的音樂劇場，聯同白只及音樂鬼才Edward Chan，帶領組合小塵埃、當奴、蔡運華及陸昕，一起進入這個有限的時空，經歷一段可能被忘懷的故事。

編劇: 湯駿業
音樂總監: Edward Chan
聯合導演: 湯駿業、凌智豪 (白只)
主演: 湯駿業、當奴@903、蔡運華、陸昕、湯凱婷@小塵埃、屈霆軒@小塵埃

藝穗會 Live Music Show "Interlude: Music For Oboe and Strings"

Happy Friday 去咗「藝穗會」睇 Live Music Show "Interlude: Music For Oboe and Strings"，在小cafe內飲番一杯再近距離欣賞古典室樂，感覺真好！

HKPhil “The Flying Frenchman” (飄泊的法國人)

今晚去聽 HKPhil的 “The Flying Frenchman” (飄泊的法國人)，有好cute嘅客席指揮，好聽嘅樂章，同超差嘅觀眾！真係唔明，點解咁多人唔準時，遲到仲要慢流入座？點解會有人唔關電話？點解幾個C9顧住自己談笑？真係好想走去鬧爆佢哋！到底我幾時可以睇到一場完全唔發火嘅concert呢？

**PROGRAMME**

BERLIOZ
Harold in Italy 

RAVEL
Rapsodie espagnole

ROUSSEL
Bacchus et Ariane, Suite no. 2 

法國作曲家偏愛將異國風情入樂，尤其是通過音樂描繪異地探秘的歷程。白遼士從詩人拜倫所描寫的意大利山景獲得靈感。故事中的主角哈羅爾德深深被意大利的風土人情所吸引，白遼士以獨奏中提琴感情豐富的琴音代表。而拉威爾則被充滿活力的西班牙所感染，狂歡嘉年華熱鬧繽紛。是次音樂會送上純正的法國音樂，帶您游走異國地貌。

風車草劇團「愛與人渣」(Unidentified Human Remains and the True Nature of Love)

今晚睇翻譯劇「愛與人渣」(Unidentified Human Remains and the True Nature of Love)，一個沉鬱劇目，故事圍繞著同性戀及異性戀，各人都有內心困擾，由於我未有試過相同問題，比較難有共鳴。劇本用咗特別演繹方法，各人對白於不同時空接續著，迫你要小心聽好內容，否則你會miss咗角色嘅以往及內心想法。梁祖堯除咗演技好，翻譯能力亦高強，而首次演舞台劇嘅卓韻芝比預期頒要好，非常自然，與梁祖堯配合得非常好！

黃呈欣全劇都只係三點式同魚網絲襪，我一直都擔心佢會走光同冷親！雖然我思想開放，不過此劇真係太多操口同成人情節，應該要規定18歲以上才可以睇！

********************
**官方介紹**

因為寂寞，我們還要走多少歪路？

這個城市的黑暗處，有着這一班人中渣滓：梁祖堯飾演的David每晚在基吧用陌生人身體否定愛的存在，而他的前度女友Candy（卓韻芝飾）在男友突然變攣後則來者不拒尋找愛情，更周旋於對她一往情深女同志 Jerri（邵美君飾） 和大滾友bar tender Richard 間。

Bernie（湯駿業飾）在前女友自殺身亡後以日間工作麻醉自己，但夜晚酗酒成性，酒後失控更傷痕纍纍。SM系妓女Benita 情和慾都是她服務範圍，因為她另一身份是靈媒，她能夠感應到每個客人心靈深處隱藏着的秘密。17歲少年Kane 是David 的忠實粉絲，他對David 的愛是甚麼就連他自己也搞不清。

城內近日出現連環殺手，多個年輕女子被殘酷殺害，警方毫無頭緒，但兇手就是他們其中一人...

#風車草劇團 #梁祖堯 #湯駿業 #卓韻芝 #邵美君 #黃呈欣 #舞台劇

《金蘭姊妹》@43rd 香港藝術節

睇咗《金蘭姊妹》@43rd 香港藝術節，講述3個「媽姐」如何風雨同路走過一生嘅故事。以前女人都好似比較命苦，永遠要對家人有承擔，但自己就只有自己去負責，一切都要自己努力打拼！由於我姑媽亦係梳起唔嫁嘅「媽姐」，故事內容有我小時候見到過嘅場景，令我憶起兒時種種往事，亦因此多了一份感動⋯

今夜想起姑媽的廚藝、她的媽姐底衫（肚腩位有個如叮噹嘅貼袋）、云紗黑長褲、佢會識冷衫、手勾冷被、為人善良、對僱主3代嘅忠心⋯及最令人回味嘅「檸檬意米水」（好奇怪，至今無論自己點樣㷛都無辦法咁好味）！

****

官方介紹

上世紀五十年代，三個住家女工「睇相」後決定終身不嫁，此後數十年的歲月，三位金蘭姊妹走的路各有得失，有辛酸，有溫情，有笑有淚，三人情誼之深厚，今日依然。三個小女人活出真生命，見證香港溫情歲月。

李恩霖在電影《桃姐》裏，講述他與家傭桃姐之間的一段溫暖人心的主僕情，囊括香港電影金像獎多個獎項。《金蘭姊妹》是李恩霖走訪百多位今天碩果僅存媽姐的生命，然後提煉而成的感人故事，並特邀鬼馬編劇黃詠詩改編，聯同金牌導演司徒慧焯，以及三位實力非凡的演員，演繹金、蘭、好三姊妹，與觀眾穿梭五十至七十年代香港的動盪時刻，走進三位媽姐的精采人生。

Alan Tam「譚詠麟銀河歲月40載演唱會2015」

我亞媽出錢又出力排隊買飛請仔女初四睇「譚詠麟銀河歲月40載演唱會2015」，開心！今次主要以多人管弦樂隊伴奏，音效不錯。最利害係當中的3首快歌（唯一的3首快板勁歌），感受到好似睇梗G Dragon或者Big Band 一樣，「後援」用同色閃燈勁齊搖動，完全識歌詞一齊大合唱，各位Super "Senior" fans 真係好利害呀！

Music Office「2015 音樂事務處-周年大匯演」

「2015 音樂事務處-周年大匯演」是體系裡嘅5個樂團合演！「弦樂團」選曲出事，2首唔多普及樂章，我前面有d 觀眾聽到「不醒人事」！而有一些觀眾於演奏途中離開（估計佢哋嘅兒女已演出完畢），但真係好唔尊重演奏者，要走都應該於break嘅時候走，真心希望睇show嘅觀眾都要學懂尊重別人！