香港話劇團《俏紅娘》音樂劇

 

Happy Friday 去睇《俏紅娘》音樂劇 ，作為我2015年「開年」劇確實不錯，超過30個歌精舞勁嘅演員，20幾人伴奏樂隊，華麗服裝，熱鬧場景，輕鬆故事，一切令人開心滿足！成個制作絕對唔平，個人覺得比「杜老誌」更值錢！充滿質感嘅即場伴奏（MMO真的不能比），配上演員多重唱，再加上不同羣舞，就正正係我最愛嘅典型「百老匯」式歌舞劇！

羅敏莊夠成熟亦有好唱功去演繹主角位置，唔知點解開場時令我想起劉雅麗，總係覺得li個角色本來係應該由佢去做，不過係十幾年前嘅劉雅麗，好可惜現在佢嘅唱功已經唔多掂。Anyway，絕對推介此劇，開心之選，唔好錯過！

 

***********************************

**官方介紹**

《俏紅娘》音樂劇 - 歡樂在人間

百老匯音樂劇經典 東尼獎「最佳音樂劇」

華麗與夢幻的極致 歌舞連場耀目全城
精明能幹的媒人婆Dolly，準備為城中「鑽石王老五」Horace作媒，以為一切向錢看就能成事，但陰差陽錯的過程卻讓他們發現真愛魔力，生命原來是如此美好！此劇的人物角色、絢麗劇情就如一道明媚風光，讓觀眾掃走生命裡的消極與陰霾。

Hello, Dolly!被評為「充滿夢幻的音樂喜劇」，除了劇中多首耳熟能詳的歌曲，包括Hello, Dolly!, It takes a Woman以及Put on Your Sunday Clothes瘋魔萬千戲迷之外，主角繽紛奪目的服裝、多場熱鬧豐盛的歌舞場景等深受全球觀眾喜愛。全新版《俏紅娘》邀來能歌善舞的羅敏莊擔綱演出，2015年全城期待！

HKPhil Concert「拉赫曼尼諾夫的激情 RACH 3」

今晚陪女趕入場睇HKPhil Concert「拉赫曼尼諾夫的激情 RACH 3」，一開場首席出來先跟觀眾說「。。。2 year old Henry, the son of a HK Phil violist, has cancer in both eyes, with left eye already blind. Further treatment can only be done in USA with high cost。。。」邀請各位觀眾參與下周四HKPhil團員自發義演嘅壽款concert，接著音樂會開始，聽住音樂，想住一個咁慘嘅故事，我開始感動開始流眼淚，竟然喊咗一首歌嘅時間。。。第二節有年輕鋼琴家合演協奏曲，第三節有激盪嘅變奏曲，見識到什麼是國際級專業演出。

Anyway，今晚嘅曲目全部都好好聽，大滿足! 雖然我下周四要出trip，但都會派女兒去睇咁有意義嘅音樂會!

 *****************************
**「RACH 3」PROGRAMME**

MENDELSSOHN
The Hebrides (Fingal’s Cave)

RACHMANINOV
Piano Concerto no. 3

ELGAR
Variations on an Original ThemeEnigm

風車草劇團《Su Be Do Wa音樂會 2014》

4年前睇過一次，今年風車草劇團《Su Be Do Wa音樂會。》又返黎，同我哋Li班Fans一齊見面，以歌會友。終於睇到梁祖堯於「卡路里農場」廚房整蘋果批，仲要有得食，開心! 又有邵美君賣紀念品。。。

雖然今年改以「家庭式」運作於佢哋嘅studio做演出，好raw, 但就可以同佢哋近距離接近，而且感覺好warm! 每一首歌，便說著一個故事，講佢哋近年發生過嘅事，亦有好攪笑嘅「惡搞歌詞」，笑死。Anyway, 好似同一班相識好耐嘅朋友一齊過咗一個輕輕鬆鬆，既窩心、又開心嘅夜晚，其實開心可以好簡單!

HKPRIL音樂會 "梵志登的剛．柔"

 

趕飛返港陪女聽HKPRIL演奏會，好彩頌有少少時間可以先放低行李，enjoying music!

*****************
梵志登的剛．柔
一個晚上，兩首截然不同的作品—當今最出色的小提琴家齊默曼將演奏西貝遼士的小提琴協奏曲。此曲以高難度名聞於世，是對小提琴家技術的最大考驗；下半場則由梵志登帶領樂團演出浦羅哥菲夫寫於第二次世界大戰時的經典作品，象徵俄國勝利的第五交響曲。

節目
西貝遼士　　小提琴協奏曲
浦羅哥菲夫　第五交響曲

進念．二十面體《紅玫瑰與白玫瑰》

今晚睇多媒體音樂話劇 《紅玫瑰與白玫瑰》，因為上次《半身緣》嘅精彩，對此演出有期望，但演繹方法完全同上次唔同，我保守估計有一半觀眾應該瞓咗或者唔知發生梗mug嘢事。劇中三個角色基本無對手戲，佢哋自己分析自己嘅心態，一種特別嘅講故事方法。雖然此演出唔有趣亦唔吸引，但係始終源於張愛玲嘅故事，睇完反而會令人有反思空間，我感到依然有些得著，不停諗梗自己幾時係「紅」幾時係「白」。

《紅玫瑰與白玫瑰》中那段名言：「娶了紅玫瑰，紅的變了牆上的一抹蚊子血，白的還是『床前明月光』；娶了白玫瑰，白的便是衣服上沾的一粒飯黏子，紅的卻是心口上一顆硃砂痣。」其實就係顯示男人女人對愛情的不同心態，男人如何的不滿足，如何的貪婪，到底誰是最愛，男人繼續追尋。。。而女人就不停在「紅玫瑰」同「白玫瑰」嘅角色遊走，用熱情去得到愛情，實際為求安穩，但當得到安穩又會想追求熱情。。。到底點先至叫幸福呢？

無論如何，張愛玲嘅文字會...令人有震蕩感，絕對值得細味!

********************
**官方介紹**

《紅玫瑰與白玫瑰》
香港文化中心大劇院
小説原著：張愛玲
主辦及製作：進念．二十面體

如果每個男人的生命裡都有兩個女人
一個是他的白玫瑰，一個是他的紅玫瑰
一個是聖潔的妻，一個是熱烈的情婦
你，是他的紅，還是他的白？
你，有多少紅，幾多白？
做一個無情的女人會幸福些嗎？
做一個無情的男人會滿足些嗎？

W創作社《男男女女男》

今晚睇W創作社《男男女女男》，演員全部都係我嘅favour， 梁祖堯 X 彭秀慧 X 湯駿業 X 邵美君 X 白只 X 韋羅莎 X 陳康，7個人去演出一小段一小段男女、男男、女女、男女男...的現代愛情關係。

好靚嘅布景，有豐富嘅影像同配樂，又有形體動作配舞蹈。。。角色互相穿插，故事都係短短哋。。。故仔都係環繞住探討mug嘢係愛情，我個人比較喜歡「SM愛好同樂會」嘅一段，或者愛情其實就係一種SM嘅行為，總係越愛就會令人越痛。不過說到底，我認為愛情是一種孤獨的追求，不需讓人理解!

此劇係經過計算嘅潮流劇作，雖然沒有大突破，但都係weekend不錯嘅節目。...

**官方介紹**
從開放式關係到純愛故事，從情慾感官到幽默感性，透過一段段現代愛情寓言，開闊大家對愛情的眼界。

編劇、導演：黃智龍
主演：梁祖堯、彭秀慧、湯駿業、邵美君、白只、韋羅莎、陳康

 

 

 

 

 

《Mamma Mia！》

《Mamma Mia！》音樂劇十年前已曾來港，當時雖然想睇，但覺得好貴，無睇! 十年後再返香港，依然覺得佢好鬼貴，但今年係ABBA 四十周年紀念，加上家中2個美少女成日話恨睇，思前想後，雖然非常「肉亦」，最終決定解放錢包入場。

一個我好「爛熟」嘅故事（因為我睇過其他version及電影），由一個國際級劇團演出，到底會係點呢？有現場伴奏，好多演員，主角唱得好， 〈I Have a Dream〉，〈Honey Honey〉， 〈Dancing Queen〉都好好聽，布景超簡單但就可以不停變化，完全表現到希臘小島嘅簡潔風情，最贊! 或者真係對此劇目太熟，少咗一份驚喜感。香港觀眾係有d過份冷靜，結果最high嘅時候，竟然係劇終finale時演員贈送嘅群舞同ABBA名曲加「懷舊」服裝同舞步，開心!

睇完今次國際級演出之後，真心覺得好多香港本土製作已有非常高嘅水準，頌要好抵睇添，希望大家都會...做個「識貨之人」，多入場支持啦！

***********************
**故事大綱**

《Mamma Mia！》的故事也非常輕鬆幽默，少女Sophie待嫁之際，一直不知生父是誰的她無意中看了母親的日記，得知母親生命中有三個非常重要的男人。Sophie為了尋找真相，遂瞞母親寄了請柬邀請他們來參加婚禮。另一邊，母親Donna也為了女兒的婚禮忙得不可開交，她邀來昔日的閨蜜，偶然之下，促成舊情人與好友同聚一堂。個性不一的各人，在希臘的小島上衍生一段段爆笑趣事，全劇在載歌載舞，又唱又跳的熱熾氣氛下溫馨收場!