太古「港樂．星夜．交響曲」(SWIRE SYMPHONY UNDER THE STARS)

好彩比我攞到8張飛，可以帶屋企人去一年一度最大型嘅古典音樂會～太古「港樂．星夜．交響曲」

今次準備咗戶外摺椅，真係舒服好多，加上出發前買好pizza, kfc, 飲品⋯⋯ 方便好多，當然，如果可以飲番杯，效果更好呢！

今晚有2個港產音樂神童演出，絕對屬於國際級，好mature、好勁、好charm!

*************************
**官方介紹**

每年港樂最大型的音樂會——太古「港樂．星夜．交響曲」將於中環海濱舉行。今年，港樂的首席客席指揮余隆將執棒領航，由陪伴著不少香港人長大的Harry哥哥主持，加上兩名非常年輕的香港音樂新星，與大家及過萬觀眾一同分享美樂。快來抱擁這個充滿驚喜的音樂體驗，欣賞以閃爍星空襯托的音樂煙火匯演！

節目
陳啟揚 -《欲明》(港樂委約)
蕭邦 -《燦爛的大波蘭舞曲》
威克斯曼 -《卡門幻想曲》
蕭斯達高維契 -《節日序曲》
韓德爾 -《所羅門王》: 沙巴女王之進場
老約翰．史特勞斯 -《拉德斯基進行曲》

#HKphil

風車草劇團《大汗推拿》

睇風車草劇團《大汗推拿》 第一場，演員用唔同嘅形體動作，加上內心讀白，穿插在時空交錯嘅故事當中。四個人因唔同原因聚在一齊，尋找存活出路，曾經對前景有著憧景，可惜世上沒有奇蹟，生活沒有多大嘅改變，路是繼續難行⋯⋯

可能時間唔夠，每個人嘅身世往事都唔可以再描述得深入d，太表面，感覺有d不足。不過當中都有大大小小笑位，依然有趣！

******************
**官方介紹**

你，係時候要爽一爽啦！

故事發生在一間名叫「大汗推拿」的按摩院。林松自述在見到的士司機撞車後的遭遇，而這段故事又巧妙地和按摩院內所發生的一切連繫起來，跟耶律屈原、水仙花、萬純三人的遭遇互相呼應。他們是來自五湖四海的低下階層，有創業理想、高尚人格及打不死的精神；而耶律屈原更有驚人的大汗推拿功力，但三人卻先屢被無良老闆剝削⋯⋯⋯究竟如何才可以殺出一條血路......

編劇：潘惠森
導演：陳曙曦
主演：梁祖堯、陳淑儀、湯駿業、邵美君

#風車草劇團 #大汗推拿 #舞台劇 #梁祖堯 #陳淑儀 #湯駿業 #邵美君

神戲劇場《搞大電影》Speed-the-Plow

昨晚睇《搞大電影》舞台劇，真心覺得悶，好失望，感覺實在太長太煩太囉嗦！到底係翻譯定係編劇出事呢？睇左無幾耐，已經覺得呢個劇唔應該在咁大嘅場去做，我覺得此劇屬小劇場劇目，或者因該卡士原因，會有好多觀眾想入場，又要有錢賺，所以要在大場做罷。另外，我覺得個劇可以濃縮d，點解要做咁長呢？

全劇只有3個演員，演員全部到位，但感覺當中林海峰嘅演出特別出色，充滿energy，比想像中演得好，亦係我認為今晚最值得嘅元素！

*******************************

**官方簡介**

美國著名劇作家大衛・馬密首演280場哄動百老匯
黃秋生首拍林海峰舞台上艷遇韋羅莎

銀幕左攻右，潦倒製片但求一片翻身；
銀幕右攻左，上位電影準大亨突然一片丹心；
銀幕以下攻上，美艷秘書取勝全靠一片紅唇？
一夜間三人鬥智鬥懵鬥可憐鬥抵死，悟出搞大電影圏不敗法門—有咁大吹咁大！

《搞大電影》Speed-the-Plow是美國著名劇作家大衛馬密 David Mamet的作品，於1988年在百老匯首演的作品，曾演出此劇之巨星包括Kevin Spacey及Madonna。現由香港影視舞台三料影帝黃秋生、口才絕頂多棲藝人林海峰及新晉實力派舞台演員韋羅莎主演，並由當代劇場全才女子甄詠蓓執導，作廣東版宇宙首演！

主辦及製作：神戲劇場
聯合主辦： 英皇娛樂　映藝劇團　
指定信用卡：Citi 信用卡
搞大關公：商業電台
全力支持：號外雜誌

主演：黃秋生 林海峰 韋羅莎
原著：大衛・馬密
翻譯：岑偉宗
導演：甄詠蓓
監製：張珮華

許冠傑+譚詠麟《阿Sam & 阿Tam Happy Together》

今晚入場睇 許冠傑+譚詠麟《阿Sam & 阿Tam Happy Together》演唱會 第一場，2個長者在台上施展渾身解數，好鬼擔心佢哋跳得太勁跌親！長者們雖然不停忘記歌詞，又亂入亂唱，但就覺得佢哋好cute好攪笑！而同場有黃子華嘅video助慶，好笑！而發現只要睇住歌詞，真係首首識唱，而多次全場大合唱都啱音啱拍子，唱得完美無瑕，真心覺得好聽，難得！又覺得以前嘅歌，旋律動聽加上言淺意重嘅歌詞，根本唔需要靠編曲包裝，已經可以好好聽！

我認知當中，阿Sam係第一個唱粵語流行曲嘅人，仲要全部自己作曲作詞，真係超勁！而Alan除左唱歌好聽，仲有一種會令人開心嘅感染力！佢哋兩個都分別代表咗香港嘅「成長」同「繁榮」年代，帶比我哋好多回憶，值得respect!

今晚Good show!

*******************************

**官方介紹**

許冠傑，暱稱大哥Sam、歌神，香港實力派音樂人、歌手、詞曲作家及演員。1970年代以前，香港樂壇仍以西方英文歌及主要來自臺灣的國語歌曲為主流，本地粵語流行曲則普遍被視為下里巴人的玩意。

譚詠麟，MH，香港實力派歌手兼演員，也是大中華地區歌壇巨星。通過結合電影與音樂事業大獲成功。在大中華地區擁有廣泛的影響力，是1980年代至2000年代香港樂壇的天王巨星之一。因為曾經連續6年在暑期辦演唱會，但學生們依然對他的歌非常熟悉，所以綽號「校長」，而《愛在深秋》成為「校歌」。

《姚桑琳 – 節樂 : 真理》

琴晚入場睇女兒師公作為特邀嘅演奏會，師公演奏巴哈協奏曲當然好聽啦！

而弦樂+合唱嘅「法庭聲明」幾特別，感覺真係有種批判性⋯⋯ 但下半場樂團自己處理嘅「交響曲」真係有d長同有d悶，選曲似乎有d問題，希望佢哋下次選好d啦！

佢哋嘅場刊同宣傳都好用心，而各演奏者都好努力，好應該繼續支持！

**************************
**官方介紹**

《姚桑琳 – 節樂 : 真理》

一向被視為諷刺蘇聯獨裁領袖史太林之音樂素描，音樂會將為您帶來蕭士達高維契E小調第十交響曲。這首悲慘與絕望、恐怖與暴力的哀歌，是作曲家活在慘絕人寰下對史太林政權的控訴。蕭士達高維契曾因政治衝突而遭蘇共政府兩度公開譴責，更被淪為非人之物。此作於史太林死後面世，作曲家亦終於能夠把箇中真相和盤托出。

郎大衞的極簡主義合唱作品《法庭聲明》(香港首演）亦是亮點之一。此作取材自已故美國參議員尤金·德布斯在法庭上就反對美國人參與一戰而被蒙上叛國之名的一篇振奮人心的講辭。前衞的音樂風格將為您重現當年懾人勇氣，伸張公義的氣度。

而音樂會當晚重頭節目，將首度邀請到本地雙簧管大師姚桑琳與節樂合演巴哈—原為柔音雙簧管所作，後因遺失樂譜而以大鍵琴重新編寫的A大調柔音雙簧管協奏曲版本。

雙簧管：姚桑琳

指揮：許榮臻、鍾偉亮

《2017香港青年音樂營音樂會》第一場

女兒上周完成musical之後，番屋企唔夠十個鐘，就帶住對黑眼圈又出發入music camp一星期，佢真係忙到飛起！今日佢終於完成《2017香港青年音樂營音樂會》，應該可以行番「懶運」，同有得「自然醒」！

***********************************

**官方介紹**

四百多名參加「2017香港青年音樂營」的青年樂手及合唱團團員，於八月舉行的兩場音樂會中，演繹多首中西悠揚樂曲，向觀眾展示學習成果。

由康樂及文化事務署音樂事務處主辦的「2017香港青年音樂營音樂會」，於八月六日及十三日下午三時，分別在香港文化中心音樂廳及香港大會堂音樂廳舉行，由多位國際音樂大師擔任指揮。是次音樂會是暑期大型活動「國際綜藝合家歡2017」節目之一。

第一場音樂會由音樂營的少年中樂團、管樂團及交響樂團揭開序幕。精選節目包括充滿彝族童趣味的《嗡嘍咪》；八木澤教司的《弗斯古華》，講述日本武士支倉常長的故事；及芥川也寸志出道之作《交響管弦樂曲》等。吉林省民族樂團常任指揮溫鋒超、日本著名管樂作曲家八木澤教司，和桃園市推廣中壢青少年管弦樂團協會音樂總監山路讓將擔任指揮，著名上低音薩克管樂手浅利真將擔任客席獨奏。

EXCEL SMS 2017《CINDERELLA仙履奇緣》

今年女兒再次參加HKAPA嘅暑期音樂劇《CINDERELLA》，不過今次唔做演員，改玩後台，做StageManagement Team，3個禮拜除左做SM team工作，另外都要學燈光、聲效同服裝道具製作⋯⋯ 日日由朝到晚十幾個鐘都做到無停手，亞女話係帶錢去做苦工（因爲要比幾千蚊學費），不過鬧還鬧，當佢有份成就一件事，依然會覺得開心，而且亦係人生當中嘅一次特別經驗，亦令佢對後台人員加多一分尊敬！

今年係一個人人都比較熟悉嘅劇目，可惜皇子唔夠靚仔唔夠醒目，Cinderella就肥矮唔夠靚，感覺未夠班，同以前嘅main cast差咗一d，反而「後母」仲charm！無論如何，如果小朋友嘅英文聽/講能力OK，此暑期program係好好玩嘅，我全力推介！

***************************

**官方介紹**

《仙履奇緣》故事深入民心！在今年暑假，我們將有機會一起走進這個由二十世紀美國最著名的音樂劇創作組合 ─ 羅傑 (Richard Rodgers) 和漢默斯坦(Oscar Hammerstein II) 所創作的音樂劇，現場體驗這個充滿著愛與希望的奇妙旅程吧！

(英語演出)

W創作社~小人國6

又等咗2年，終於有得睇「W創作社~小人國6」，來到第六季，更大場地，更多場數，繼續一票難求！固有班底嘅演出完全不需懷疑，每個小故事繼續有趣！

當中最鍾意「"歪理"老闆vs入錯chat room」，我估人人都試過同時進行幾個chat rooms 交談，最後手快快send錯message!此故事仲展現老闆那種「唔駛急，最緊要快」嘅思想模式、打工仔嘅辛酸，配備獨有表達方法，真係笑鬼死！特別係我啱啱有個大陸下屬明明請病假，但佢錯在公司group發放外遊打卡照，斷正比我！哈哈⋯⋯⋯

而其他「黑的vs遊港ABC」都好好笑，最愛的士大佬嘅粗口成文，充滿親切感！而「藥箱vs首飾箱」亦將廣告的slogans惡攪，好攪笑！

今次繼續有我最愛嘅「基米高vs馮陳美蟬」，可惜沒有以往嘅狠毒同爆笑，但睇完導演的話，明白咗原因，感到有點無奈！

相比以往season 1-5，今次似乎無咁爆笑，無咁crazy，所以觀眾都比以往冷靜（我今次只係大笑，但就無笑到肚抽筋/流眼淚/喉嚨痛），但此劇依舊係非常值得睇，繼續值得「被期待」！

*****************
**官方介紹**

《小人國》十週年啦！由〇七年起公演的第1-5集，71場演出均一票難求，被譽為香港最受歡迎舞台劇系列之一。全新內容的《小人國6》繼續以嬉笑怒罵的手法，笑爆「梗有一個喺你左近」的香港小人。

《小人國6》將於7月7日起於香港演藝學院歌劇院公演，繼續由黃智龍擔任編劇及導演，連同一眾《小人國5》頂級搞笑班底梁祖堯、王菀之、湯駿業、邵美君、白只、韋羅莎、鄧世昌，以及首次加入小人陣容的香港舞台劇獎最佳男主角楊偉倫(阿卵)@朱凌凌，誓要笑爆全場！

你仲記唔記得呢一班經典小人角色？基米高、馮陳美嬋、Heidi、Christine Law，Rosemary、王伯、卸膞高中低層、常識姐、Mr. Panda、Wylie Wong..全部新舊角色都堅持小人的終極態度：我唔care你開唔開心，總之我開心就得，正所謂「你快樂不如我快樂，要我死不如你去die」！

#小人國 #W創作社 #風車草劇團 #梁祖堯 #王菀之 #湯駿業 #邵美君 #白只 #韋羅莎 #鄧世昌 #舞台劇 #楊偉倫