風車草劇團《Su Be Do Wa音樂會 2014》

4年前睇過一次，今年風車草劇團《Su Be Do Wa音樂會。》又返黎，同我哋Li班Fans一齊見面，以歌會友。終於睇到梁祖堯於「卡路里農場」廚房整蘋果批，仲要有得食，開心! 又有邵美君賣紀念品。。。

雖然今年改以「家庭式」運作於佢哋嘅studio做演出，好raw, 但就可以同佢哋近距離接近，而且感覺好warm! 每一首歌，便說著一個故事，講佢哋近年發生過嘅事，亦有好攪笑嘅「惡搞歌詞」，笑死。Anyway, 好似同一班相識好耐嘅朋友一齊過咗一個輕輕鬆鬆，既窩心、又開心嘅夜晚，其實開心可以好簡單!

HKPRIL音樂會 "梵志登的剛．柔"

 

趕飛返港陪女聽HKPRIL演奏會，好彩頌有少少時間可以先放低行李，enjoying music!

*****************
梵志登的剛．柔
一個晚上，兩首截然不同的作品—當今最出色的小提琴家齊默曼將演奏西貝遼士的小提琴協奏曲。此曲以高難度名聞於世，是對小提琴家技術的最大考驗；下半場則由梵志登帶領樂團演出浦羅哥菲夫寫於第二次世界大戰時的經典作品，象徵俄國勝利的第五交響曲。

節目
西貝遼士　　小提琴協奏曲
浦羅哥菲夫　第五交響曲

進念．二十面體《紅玫瑰與白玫瑰》

今晚睇多媒體音樂話劇 《紅玫瑰與白玫瑰》，因為上次《半身緣》嘅精彩，對此演出有期望，但演繹方法完全同上次唔同，我保守估計有一半觀眾應該瞓咗或者唔知發生梗mug嘢事。劇中三個角色基本無對手戲，佢哋自己分析自己嘅心態，一種特別嘅講故事方法。雖然此演出唔有趣亦唔吸引，但係始終源於張愛玲嘅故事，睇完反而會令人有反思空間，我感到依然有些得著，不停諗梗自己幾時係「紅」幾時係「白」。

《紅玫瑰與白玫瑰》中那段名言：「娶了紅玫瑰，紅的變了牆上的一抹蚊子血，白的還是『床前明月光』；娶了白玫瑰，白的便是衣服上沾的一粒飯黏子，紅的卻是心口上一顆硃砂痣。」其實就係顯示男人女人對愛情的不同心態，男人如何的不滿足，如何的貪婪，到底誰是最愛，男人繼續追尋。。。而女人就不停在「紅玫瑰」同「白玫瑰」嘅角色遊走，用熱情去得到愛情，實際為求安穩，但當得到安穩又會想追求熱情。。。到底點先至叫幸福呢？

無論如何，張愛玲嘅文字會...令人有震蕩感，絕對值得細味!

********************
**官方介紹**

《紅玫瑰與白玫瑰》
香港文化中心大劇院
小説原著：張愛玲
主辦及製作：進念．二十面體

如果每個男人的生命裡都有兩個女人
一個是他的白玫瑰，一個是他的紅玫瑰
一個是聖潔的妻，一個是熱烈的情婦
你，是他的紅，還是他的白？
你，有多少紅，幾多白？
做一個無情的女人會幸福些嗎？
做一個無情的男人會滿足些嗎？

W創作社《男男女女男》

今晚睇W創作社《男男女女男》，演員全部都係我嘅favour， 梁祖堯 X 彭秀慧 X 湯駿業 X 邵美君 X 白只 X 韋羅莎 X 陳康，7個人去演出一小段一小段男女、男男、女女、男女男...的現代愛情關係。

好靚嘅布景，有豐富嘅影像同配樂，又有形體動作配舞蹈。。。角色互相穿插，故事都係短短哋。。。故仔都係環繞住探討mug嘢係愛情，我個人比較喜歡「SM愛好同樂會」嘅一段，或者愛情其實就係一種SM嘅行為，總係越愛就會令人越痛。不過說到底，我認為愛情是一種孤獨的追求，不需讓人理解!

此劇係經過計算嘅潮流劇作，雖然沒有大突破，但都係weekend不錯嘅節目。...

**官方介紹**
從開放式關係到純愛故事，從情慾感官到幽默感性，透過一段段現代愛情寓言，開闊大家對愛情的眼界。

編劇、導演：黃智龍
主演：梁祖堯、彭秀慧、湯駿業、邵美君、白只、韋羅莎、陳康

 

 

 

 

 

《Mamma Mia！》

《Mamma Mia！》音樂劇十年前已曾來港，當時雖然想睇，但覺得好貴，無睇! 十年後再返香港，依然覺得佢好鬼貴，但今年係ABBA 四十周年紀念，加上家中2個美少女成日話恨睇，思前想後，雖然非常「肉亦」，最終決定解放錢包入場。

一個我好「爛熟」嘅故事（因為我睇過其他version及電影），由一個國際級劇團演出，到底會係點呢？有現場伴奏，好多演員，主角唱得好， 〈I Have a Dream〉，〈Honey Honey〉， 〈Dancing Queen〉都好好聽，布景超簡單但就可以不停變化，完全表現到希臘小島嘅簡潔風情，最贊! 或者真係對此劇目太熟，少咗一份驚喜感。香港觀眾係有d過份冷靜，結果最high嘅時候，竟然係劇終finale時演員贈送嘅群舞同ABBA名曲加「懷舊」服裝同舞步，開心!

睇完今次國際級演出之後，真心覺得好多香港本土製作已有非常高嘅水準，頌要好抵睇添，希望大家都會...做個「識貨之人」，多入場支持啦！

***********************
**故事大綱**

《Mamma Mia！》的故事也非常輕鬆幽默，少女Sophie待嫁之際，一直不知生父是誰的她無意中看了母親的日記，得知母親生命中有三個非常重要的男人。Sophie為了尋找真相，遂瞞母親寄了請柬邀請他們來參加婚禮。另一邊，母親Donna也為了女兒的婚禮忙得不可開交，她邀來昔日的閨蜜，偶然之下，促成舊情人與好友同聚一堂。個性不一的各人，在希臘的小島上衍生一段段爆笑趣事，全劇在載歌載舞，又唱又跳的熱熾氣氛下溫馨收場!

舞台劇《分手旅行》

難得周末留上海，特別為自己安排去「上海大劇院」睇咗一場舞台劇《分手旅行》，由新進歌手「弦子」主演，side cast好有energy，比主角更吸引，此劇是由國內暢銷小說 《我终於可以不再愛你了》改編，說故事的編及演都ok，演員邊演邊唱，可惜燈光同聲音有點不足。

上海嘅觀眾比香港嘅仲要奇怪，會不停同朋友講嘢，又check wet chat，又要影相，頌不停走出走入去toilet，我真係唔明，只係2個幾鐘嘅表演，點解唔去定toilet呀？就算日理萬機fans滿天下，可唔可睇完先check電話呢？在上海，如果發現有人拍片影相，帶位員會用紅色「死光」射到個人收手，可惜佢哋唔會控制其他問題。Anyway，希望所有觀眾都會帶多點尊重別人的心去欣賞節目啦！

********************...
**官方介紹**
有人说，遇到一场同步的爱情，是一件多么值得庆幸的事情。你爱上他的那一刻，他正好爱上你；而当他厌倦了一切的时候，你也恰如其分地正好厌倦。如果是这样的恋爱，收获的可能只有美好的回忆，而不会有分手的痛楚吧。
所以有好多人，在对方说我们结束吧的时候，能够会心一笑，说唉我正好刚想说呢，你还真懂我。握手微笑再见，美好得像是举世无双的模范。
只是，可能吗？或许，很难吧。
这是一个关于再见的故事。在极度恐慌的时代，社交网络信息洞悉可见，我们可以把“我爱你”说的干净利落，却再也说不好那句“再见”。
一个走在最尴尬年纪的25岁女孩，喜悦，正如她的名字一般外，表神经大条，内心却细腻绵密。一个刚过22岁的90后小男生赵小北，善良可爱。一段同这个世界上众多情节雷同的爱情在他们中间滋生，然而故事却不是从柔软的爱情开始，而是从决绝分手的那一刻开始。喜悦同赵小北在坚持了三年的异国恋之后，终于在国内相聚。本约好一场甜蜜的出游，却变成了一场令人纪念的分手旅行。在飞机起的那一刻，赵小北向喜悦提出分手，理由是喜欢上了别人，而故作坚强的喜悦或许只能坦然接受小北的分手，不接受又能怎样呢？飞机已经头也不回的起飞，而他们的爱情路，也没有回头路可以走。
注定了这是一场笑中带泪的旅行。辗转在各个美景中，喜悦只能演，喜悦演疯狂，小北陪他疯狂；喜悦演悲伤，小北就给她抚慰；喜悦演高兴，小北一定第一个鼓掌。这个男生可以为她做一切事情，除了继续爱她。然而道理人人都懂，俯身践行却是难上加难。外表故作坚强的喜悦在爱情中的偏执和寻找何不映射着生活中的每一个你我？
这场旅行，亲眼看着深爱的人慢慢沦为陌生，于己是一种释怀，也是一场洗礼。在一点一滴爱情的逝去中发现真实的自己，走出去，迎接全新的生活。希望这个并不柔软的故事陪你度过那些幸福抑或艰难的时光。

風車草劇團《深夜猛鬼食堂》

今晚睇 《深夜猛鬼食堂》頭場， 風車草劇團 嘅劇，依然係信心保證，全劇既恐怖，又攪笑，亦瘋狂， 全晚比佢哋攪到又驚叫又大笑， 睇完感到大滿足! Bravo! 全力推介!

此劇班底好勁，3個骨幹成員就唔駛多講，仲要有對「死亡」相當有研究嘅鬼才 黃詠詩 自編自演，當奴@903，而亮點係有auntie輩 王文慧 演出。。。

喜歡 邵美君 劇中嘅瘋狂，而梁祖堯嘅演技亦超勁，明明佢面前無鬼，但就可以從佢嘅表情同演技，令你相信佢面前出現咗唔同嘅鬼，只係因為我無「陰影眼」所以睇唔到d鬼。。。故事係講唔同嘅鬼有唔同留於人間嘅理由，佢哋點樣解開心結離開。。。...

「鬼」係咪真係咁恐怖? 但係似乎現今香港，見到「人」會覺得更加恐怖，每日新聞見到嘅，你坐火車或者行街見到嘅，都係更加瘋狂，更加驚嚇，更加不合理，更加難以置信，更加會令你驚到心痛! 今晚會諗，其實做「鬼」都唔錯，可以選擇活於自己不捨嘅空間，咁就讓我活於留戀嘅80年代罷，希望可以重複當日的美好時光。。。。

*******************
**官方介紹**

舊區遷拆行動如火如荼，只剩下一所出名猛鬼的老飯店；每個進去游說的人都落荒而逃，辭職轉行。事務律師阿松，奉命到那間猛鬼飯店，游說老闆簽下遷拆授權書。阿松因錯摸在飯店喝下一碗「勝在任你湯」之後，竟開了陰陽眼，原本空無一人的餐廳竟坐無虛席， 嚇得阿松落荒而逃……

一間深夜的食肆，一股感動的「陰氣」，令你哭著來「陰笑」，帶你進入「陰深恐怖」的浪漫「人間道」。

席上賓客，當晚菜餚如下:
幫我報仇刺身
清蒸音容宛在
香煎魂魄唔齊
酥炸死不瞑目
乾炒浩氣長存
最後加送
一杯孟婆茶on rock！

深夜猛鬼食堂會帶給你小小驚、多多笑、無限溫馨。

主演: 梁祖堯、湯駿業、當奴@903 、邵美君、黃詠詩、葉麗嘉、黃文慧

編劇: 黃詠詩
導演: 陳曙曦

杜德偉「My Virtual Planet Tour」演唱會

成個禮拜loop住「杜德偉~最愛17首」，為咗入場睇佢嘅「My Virtual Planet Tour」演唱會。佢係我少年時代喜愛歌手，難得50幾歲人頌可以有咁嘅樣，咁嘅body，又咁跳得。。。一直唔明點解佢當時唔可以大紅大紫，或者佢係生不逢時，佢好「soul」嘅西洋歌曲風到近年香港先開始流行，所以會替佢不值。。。
今晚主要以快歌為主，可惜音響效果真係有d出事，聲音好「拆」，攪到我好難投入，好想投訴呀! 其實杜德偉有好多好好聽嘅慢歌都無唱，好彩此刻DJ咁啱用一個鐘時間將佢無唱到嘅都播番哂，都叫做幫我補番欠缺咗嘅一份回憶，一份情懷。。。唔知點解會聽到收音機播「准我再一次」，會突然有d心痛同想喊嘅感覺。。。

林海峰 + 葛民輝《笑の大学》

終於睇咗一票難求嘅《笑の大学》，最大賣點係由「林海峰 + 葛民輝」演出，絕對係唔知佢哋會做mug都要買飛嘅組合。搵佢哋2個做係相當聰明嘅做法（當然佢哋又肯做至得），否則真係幾難引人入場。此劇就只有佢哋2個做對手，對白相當熟練，表情亦鬼馬。 雖然此劇好出名，每個國家都會用好勁嘅演員去做，日本有「役所廣司」，大陸就有「陳道明」。。。我承認演出嘅演員能力係要有番咁上下，但始終故事時代太久遠，場景係1940年嘅日本，頌要用日文腔口同形態講廣東話對白（扮講梗日文），硬係覺得怪怪哋。Anyway, 作為weekend嘅節目又有得同朋友聚下，依然又開心又enjoy!

***************

**官方介紹**

一個愛笑面，認為笑在生命中很重要；一個愛板面，一生從未由心底真正笑過。

昭和15年（公元1940年），日本正處於軍國主義盛行的年代，劇本在上演前要經過嚴格的審核。喜劇作家椿一（葛民輝飾演）為了新劇《茱麗葉與羅密歐》能如期上演，向嚴苛的審查官向坂睦男（林海峰飾演）提出申請。向坂認為應該把劇本中的喜劇部份全數刪除，命椿一加入「哈姆雷特」為父報仇的熱血橋段來激勵國民。椿一為了通過審查，不得不改寫劇本，同時他又在思考如何放入新的笑料，惹來向坂更多層出不窮的無理要求！茱麗葉愛上了哈姆雷特，連天皇也出現在劇本裡面。

在兩人的拉鋸過程中，椿一憑著信念與堅持，寫出前所未有的惹笑之作。究竟劇本最後能否通過批核？舞台劇又能否如期上演？在黑暗侷促的審查室，見證最燦爛的人性光輝。《笑の大学》情節峰迴路轉，引發笑聲不斷！

舞台劇《杜老誌》

今晚睇星級陣容的舞台劇 《杜老誌》 ，"据說"投資千萬元製作(雖然我覺得咁講有d誇大咗)，幕前有影后劉嘉玲配兩位影帝梁家輝及謝君豪，幕後則有張叔平做美指、亦由我最喜愛的莊梅岩做編劇，毛俊輝做導演。。。全劇牌面超勁，真係唔睇唔得!

謝君豪演富商，實際以騙子手法起家，佢今晚用咗「杜汶澤」式演繹，我睇咗一段時間先知係佢。而梁家輝則是銀行家，成晚喉沙沙，感覺一般。劉嘉玲就演為保亡夫遺產而不惜一切的廠家遺孀，d衫好靚，佢好fit，聲音演繹都做得恰如其份，而其他女角嘅旗袍都好鬼靚，攪到我都心思思想著番件!

原本係對70年代的著名交際舞台「杜老誌」那種聲色犬馬場口有點期待，但最終覺得唔多夠grand! 而故事就似因為時間問題不能再深入d。。。。Anyway, 此劇應該吸引好多平時唔會睇捧場，未嘗唔係好事，但日後只要係好嘅劇目，無論大小，都希望多d人會入場欣賞啦！

W創作社《修羅場》

琴日竟然用咗8個鐘先至可以由上海飛返香港，攪到要拖住2夾行李去劇場睇舞台劇《修羅場》，真係完全顯示咗我嘅睇劇誠意!

我對此等職場題目，一直都比較有興趣，好希望學到D新概念，但此劇只屬輕度級，事件發生在一個簡單嘅機構，真係無“血淋淋”嘅鬥爭，感覺未夠深入，未夠惡“毒”。當然，此劇都反映咗職場內，每個人都有自己嘅角式同處境，大部份人可能未必有什麼理想或要令自己做到最叻，或許只想安安全全咁留得耐D。。。。。Well, 我到今時今日都頌梗學乖，希望都可以在職場安然無恙留到最後啦。。。。。 咁你呢? 

 ****************************
**官方簡介**
兩大劇帝梁祖堯 X 潘燦良挑戰香港職場文化...
工作的鬥爭裡，你只得兩個結果：「完敗」或「慘勝」！
發生在學校內的辦公室政治，你會睇到我們的將來。W創作社主辦的舞台劇《修羅場》，兩大劇帝梁祖堯及潘燦良演繹「完敗」或「慘勝」的辦公室政治！其他主要演員包括邵美君、湯駿業、白只、鄧世昌及許晉邦，由黃智龍編劇及導演，司徒慧焯擔任創作總監，何秉舜擔任音樂總監及現場演奏。

《修羅場》將殘酷的職場鬥爭，透過戲劇張力，血淋淋展現在觀眾跟前！為了在職場上生存，用你的自由去換來成熟？然後變成一個除了目標、甚麼都沒有的「人」，這是唯一的選擇嗎？《修羅場》由黃智龍編導、司徒慧焯擔任創作總監，由兩大香港舞台劇獎「最佳男主角」梁祖堯及潘燦良聯合領銜主演。

演唱會「福山雅治 WE'RE BROS. TOUR」

日本人開演唱會果真嚴謹，睇「福山雅治 WE'RE BROS. TOUR」，帶位員要帶白手套，入場每人分發wifi燈捧，開場前先播有趣片段介紹如何使用燈捧及各項需注意事項。。。原來燈捧係大會控制，會閃，會暗，會變色，變化多端，完全配合個show，型! 而整個show嘅各項燈光，音樂，演出及vedio場境安排絕對完美，勁!

一般人可能只從電視劇認識「福山(Masha)」，但佢實際係唱歌出身，頌要係唱作型，頌要彈得一手好結他，台上又唱又彈，真係型到爆! 日本已經再無其他又man，又靚仔，又叻嘅明星，佢可能係最後一個!

成個show給人窩心及好有誠意嘅感覺，而fans club更自支印製「多謝banner」比在場每個觀眾於完場前高舉比Masha睇，見到佢都深受感動。Anyway, 睇完個show，係會令人更加愛佢! 。。ましや， ありがとう !

草蜢演唱會「我要跳舞，唔跳會老。。。」

「我要跳舞，唔跳會老。。。」今晚又同草蜢有個約會，佢哋繼續妖，繼續閃，繼續型。。。快歌加上招牌舞步依然無得頂，最驚喜係Alex To 作為guest，開心! 我要跳舞，唔跳會老。。。別說我不行!

音樂會「The King's Singers x CCOHK」

由美麗sunset伴住去睇「The King's Singers x CCOHK」，用古典加少少Jazz去聲演故事，後半場6個英國紳士唱「a cappella」，又靚仔（似未禿頭前嘅Prince William），又cute又唱得好。香港係佢哋world tour第十一站，佢哋竟然特別為我哋編唱「上海灘」做encore，令全部觀眾驚喜，令人愛上佢哋! 第一次睇classical會有3次encore，見到表演者自己都好enjoy，佢哋真係「功力精湛，娛樂性豐富」，今晚大滿足! Let's Misbehave! Happy Weekend!

三角關係舞台劇「他有喜事 YES, I DO」

母親節如常一家人開開心心食晚飯慶祝，但今午帶咗一老兩嫩去睇攪笑舞台劇「他有喜事」作為母親節特備節目，內容環繞男人由求婚成功開始到婚宴前所面對嘅困難同問題，一切男男女女老老少少嘅角色都只係由3個中佬演繹，而完場頌有橙派，非常攪笑!

另外，由於我亞媽係全場最靚嘅母親，演員特別送出一份禮物比佢，更加開心! Happy Mother's Day~!

黃秋生 x張敬軒 舞台劇「EQUUS」

周末睇著名劇作「EQUUS」一 黃秋生從容講出每段冗長複雜嘅對白， 繼續散發其戲劇皇者嘅壓台感，勁！張敬軒亦做到那份竭斯底里，會擔心佢演完後會否可以抽離角式! 而以現代舞方法演繹「馬」嘅演員，個個身材完美讓人心動，真係睇到嘩嘩聲! 每個動作都優美神似，看似柔柔嘅動作，但實際應該每一下都費盡陰力，讚！

故事講嘅「信仰」可能太過「不正常」，但現實中我哋每個人都有自己的「信仰」，唔一定大如宗教，有時只係堅信某種生活習慣，亦已變成自身嘅一種「信仰」。每當我哋對「信仰」有異想或開始動搖，就會嘗試為自己找唔同嘅借口！ 但有時又真係要好似劇中主角一樣，要將那種「自身信仰」完全毀滅，方能得到最終的開脫!

************************...
EQUUS故事大綱
17歲的Alan一夜間刺瞎了馬廄裡的六匹馬，造成轟動社會的異聞，他的父母找來心理醫生Martin為他治療，Martin與Alan多次會面，逐步揭露Alan的往事，亦瞭解到Alan的個性及家庭狀況。雖然Alan是刺瞎六匹馬的「兇手」，但Martin發現他極端愛馬，愛到崇拜的地步，把馬視作神衹。

然而，在治療的過程中，Martin漸漸陷入一種迷思，年輕的Alan看似「瘋狂」，但Martin看到了Alan對馬的情感是何等洶湧澎湃，而這等熱情正正失落於社會。不論是Martin或是Alan的父母，這些在社會意義上都是「成熟」、「正常」的人，但又是否有血有肉？相較於他們判斷年輕的Alan，這種年少的「瘋狂」和他們那「成熟」的「正常」，哪一種又較合乎人性？

Broadway Musical “NUNSENSE”《喜靈州……分享夜》

假期去咗捧我跳舞老師場，睇由佢有份主演嘅Broadway Musical “NUNSENSE”《喜靈州……分享夜》，此劇將場境改為60年代嘅香港，5個“修女”依然攪笑，又唱得又跳得。佢哋多重唱真係好好聽，而當中最喜歡“吳修女”一人分演兩角嘅高低音對唱，唱功真係好勁，而我老師”羅修女”嘅演出亦無得頂。此劇好適合小朋友及年青人睇，同行2個美少女及同場嘅小朋友都睇得好開心!

真係覺得有D可惜係此劇宣傳似乎唔多夠，就連我成日睇劇嘅人都唔多知，真係有D浪費，希望以後可以有多D宣傳，令多D人可以睇到好嘅演出啦!!

**********************************
**劇情介紹**
喜靈州心慈聖母瑪利亞獻主會(離島分會)的院長及四位修女前往另一修院交流回來，驚訝地發現修院內修女於進餐時集體中毒死亡──簡直是「最後的晚餐」現代版！為了將她們運回老家安葬，院長率領四位各俱天分的修女，硬著頭皮進行一場夾雜歌唱、舞蹈、互動問答、棟篤笑的天才大雜會表演，籌募善終經費，是為《喜靈州心慈聖母瑪利亞獻主會(離島分會)修女突然集體魂歸天國籌募善終經費慈善歌舞暨堅守信仰分享夜》，簡稱《喜靈州……分享夜》。

當奴@903「當奴歡樂阿家藐咀騷」

由於我亞媽同我都係903Fans, 所以今次佢主動買飛請我去新光睇「當奴歡樂阿家藐咀騷」，亞媽肯定係全場最老觀眾，而佢亦睇得好開心。最尾Donald用真身講自己同老婆嘅感情，我被感覺到眼濕濕。總括而言，個show幾好笑，喜歡認真努力嘅人，會繼續支持! Good Show!

韓劇「來自星星的你」

「來自星星的你」實在令人中毒，不能自拔，坐立不安，日日等下一集。。。片尾的雪地篇，加上考琳首歌「再見」，真係羅曼到不能! 或者以現實角度，最令人羨慕係女主角keep到嘅身形同氣質，當然另加大量靚衫!!

軟硬25周年 Softhard heHA opera

 

我於少女時代，無聽過任何“軟硬”所做嘅電台節目，反而近年每日都有聽佢哋做“正經”節目，或者大家都出生於相同年代，對佢哋感覺好親切! 睇咗“軟硬25周年 Softhard heHA opera”，一齊於白藍地磚舞台(唔知點解以前個個屋企都係li隻地磚)，同佢哋同遊細路仔嘅生活，中學的懷春時期，跟住就係出黎做嘢時嘅虛歉生涯。。。。我唔係佢哋嘅fans，亦唔覺得佢哋有好歌藝，但係就好鍾意佢哋比咗我嘅一份昔日情懷! 而當中嘅笑位（特別係「新光白虎」），雖然我唔可以具體記得細節，但我就真係睇完笑到喉嚨痛!

同佢哋一樣，我哋到咗li個年紀，會更加懷念以前嘅時光，亦會對今天嘅世情多咗一份無奈感，“軟硬”於表演後段亦已好好為我表達咗li份感覺。。。。

噢，突然好掛住以前嘅自己，好掛住美好的80/90年代!

風車草劇團《求証》(Proof)

睇「風車草劇團」今次演嘅正劇《求証》(Proof)，一套2000年已經開始上演嘅Broadway名劇，一個淡淡哋嘅故事，在分辨到底係「天才」定係「痴線」? 不信你，就等於不愛你?

我覺得世上大部份人都太有自己嘅想法，永遠認為自己係最啱最正確，總係喜歡以自己為中心，要別人按自己的一套意見去做。但係點解你唔可以跳去人哋嘅立場去諗下呢? 

 ************************
故事:
天才數學家Robert (陳淑儀飾)患上精神分裂，女兒Catherine (邵美君飾)不惜放棄學業，多年來待在家中全心全意照顧他，父女兩人互相依賴，過著寧靜的生活。
直至父親去世，悲傷的Catherine頓時失去精神依靠，情緒更陷入崩潰。而多年沒見面的姊姊Claire (劉雅麗飾)從紐約回家，決定要帶Catherine離開，到紐約的療養院重過新生活。此時，Robert 的舊學生Hal (梁祖堯飾)，希望為看似瘋癲的老師平反，決意要重新發表老師遺留下來的一百零三本筆記。在整理筆記過程中，他愛上了敏感脆弱但倔強的 Catherine。Hal的愛慕，本可撫平 Catherine的傷痛，助她面對未知的將來，可是一本記錄著驚世數學理論的筆記，卻又一次讓她陷入情感傷痛之中。 面對親人和愛人的質疑，Catherine走到人生的轉捩點......

編劇：大衛‧奧本(David Auburn)
翻譯：梁祖堯
導演：李國威
監製：湯駿業