電影 "被偷走的那五年"

115分鐘絕無冷場，有sweet，有笑位，有多份感動，有傷感，有無奈。。。「你愛嘅人唔一定可以出席你嘅重要時刻，但只要你在重要時刻想起你愛嘅人，那便足夠。。。」結果暗暗流淚亦喊濕了2張紙巾。。。好好睇！

《Upcycle Me!》楊詩敏（蝦頭）自編自導自演舞台劇

今晚睇「蝦頭」 自編自導自演舞台劇《Upcycle Me!》佢用攪笑方法演繹幾個女人的生活，不同性格，不同處事態度，個個都有讓人羨慕的一面，但可惜亦各有自身問題。到底何謂幸福何謂最好，誰的生活最幸福，其實絕無定數。你今天可能正在羨慕他人的生活，何不嘗試睇清楚你手中的幸福？就算只是那種緊餘的，我依然慶幸我此刻尚在擁有！

「蝦頭」係我最喜歡嘅舞台劇女演員，我多年前第一次睇劇，就係佢嘅演出，對佢有住一份說不出嘅情感，今晚開心睇住佢嘅從新出發，演出成功！

＊＊＊＊＊＊＊＊＊＊＊＊
＊＊官方介紹＊＊
笑醒你的悶爆生活，Upcycle你的無味人生！ 楊詩敏（蝦頭）自編自導自演舞台劇《Upcycle Me!》 狄易達(Det)、蔚雨芯(Rainky)特別演出 鍾燕詩聯合劇本創作 如果從沒有華麗過，垃圾人生可否recycle？不！Recycle只將垃圾變成稍為有用的東西，今時今日環保的最新潮流叫"Upcycle"，誓要將無用的東西變成更高價值的物件！ 楊詩敏（蝦頭) 一人分飾三角，三個不同性格，但全部年過三十、生活得何止苦悶，簡直連自己都會睇死自己的香港女性人辦，一齣幽默地刺中你生命中不能承受的「悶」，教你如何upcycle自己無用人生的生活喜劇！