風車草劇團「Avenue Q」

睇音樂劇「Avenue Q」，超開心，內容絕對賤格抵死，你可以幻想係睇梗一套三級版「芝麻街」！今次演員舞動布偶再配上對白，布偶成為主角，演員做住相同嘅表情同形體，成為影子角色，完全做到人偶合一！

我咁大個女都係第一次睇布偶演床上戲！情節真係好精彩，好瘋狂，好grand同超攪笑！而布偶當中的「賤女人Lucy」係我最愛，真係難以想像布偶竟然可以有如此好身材及如此sexy。。。真係賤到無倫架！

故事沒有像傳統故仔話只要有理想，最終就會成功。。。反而就好真實咁話比你知，人未必會有遠大理想，但都可以支持其他人嘅理想，除此之外，每天都是新挑戰，你只要好好的過，已經唔錯！當每一個人都可以做好自己，又嘗試了解同幫助身邊人，世界已會變得很美！

此劇算是5個主角畢業20年後嘅re-union記念show，劇終感性的謝幕，可以感受到佢哋之間的濃厚感情，十幾年前睇佢哋一齊捱，一齊做小劇場，到依加雖然個個都有d名氣，但對舞台繼續充滿熱誠，很是感動。

與已經有20年及同我將會有另外20年嘅朋友一齊睇li個劇，特別有感受！覺得人生在世，有幾多個朋友可以相伴20年呢，最重要都係啱key及各自付出真心，幸好我有！Love you all~~!!