黃詠詩「破地獄與白菊花」

N年前, 當我行經去”演藝學院”嘅天橋, 收到第一次演出嘅「破地獄與白菊花」傳單, 見到鬼五馬六LOOK嘅黃詠詩, 加九唔搭八嘅劇名, 當時我頌係個比較保守嘅觀眾, 真係提唔起興趣去了解或睇下……

 轉眼過咗N年, 雖然繼續鬼五馬六, 九唔搭八, 但黃詠詩已貴為好有實力嘅編劇家(佢寫咗「賈寶玉」、「香港式離婚」), 佢亦憑此劇攞過香港舞台劇獎「最佳女主角」, 今次8度輪回, 又點可以再錯過LI個經典作品呢? 黃詠詩用咗輕柔嘅形體動作, 變聲技巧, 有趣地講故事…

「破地獄與白菊花」是真人真事改編，黃詠詩的爺爺是個道長，家族生意是道教打齋；數年前祖母離世，從小接受西方教育的她，參加了祖母那一場世紀喪禮，首次 見識「破地獄」儀式，觸發創作，喪禮過程錯漏百出，引爆連串笑彈，卻牽起對先人無盡思念…… 真係值得推介~~!!

中英劇團《大龍鳳》

 

今日去大會堂睇中英劇團《大龍鳳》，過了一個開心快樂嘅晚上！

此劇用網絡瘋傳 「疑似」真人真事「婚禮現祼照」故事改編而成嘅「前傳」，當中穿插上一代嘅三角戀，父子關係。。。。個個角式都好立體，好攪笑，好有energy，配合得非常好，punchline位不斷，接合好好，全晚笑死人！此劇由頭至尾都好睇好緊湊，故事\編\導\演 都好好，絕對值得推介，別錯過！

Ps. 今次嘅場刊都好cute，超喜歡當中嘅關係圖。附上official故事簡介，大家支持下舞台劇啦～～！

**********************
是咁的，不少巴打絲打都話朋友個朋友個朋友，曾經有以下經歷：一對新人，結婚當日程序如常，接新娘、入門、註冊，直至晚宴，播新人由細到大的相時，竟然播出一張新郎全裸照，以及一張新郎和伴娘的床上照！畫面停止，新娘拿咪走上台說：「大家都知咩事，婚禮取消，大家請取回人情」……

一場本來好地地的婚禮，點解會變出一場《大龍鳳》？當中究竟誰是贏家，誰是輸家？電視劇《老表，你好嘢！》編審兼知名編劇龍文康，同你講返成件事的來龍去脈，創作出一套抵死兼地道，又反映時下社會倫理價值的家庭喜劇，幽默之餘盡見反思。 各位想入場笑返餐之餘又有嘢落袋的，八月九至十八日，香港大會堂劇院恭候光臨！ See More

Theatre Noir 「Summer Music Extravaganza 2013」

幾個月前做audition, 1個月前做fitting，3星期前開始每日由朝到晚做排練，終於「Summer Music Extravaganza 2013」一連兩日於「元朗劇院」做公演。由120個演員，60多個管弦樂手及50多個幕後人員，一齊努力演好每一段。個個充滿passion，個個都好利害！當中全部演員都一齊唱一齊做嘅「孤星淚」，真係好震撼，令我睇到好感動。。。Bravo~~!

好開心女兒今年可以繼續參演，唔係因為佢做咗其中一節嘅main cast (Mamma Mia～Sophie)而開心，最開心係每晚聽佢講下排練辛酸，大小趣事。。。亦會睇到每日練歌或攪鬼攪馬相片，一切都盡顯佢嘅快樂時光。我總認為如果要送上一件貴重嘅禮物比你心愛嘅人，倒不如送上一個經歷一個回憶更佳。。。親愛的女兒，我定會在2014年再送上一次珍寶！