香港2013「春浪音樂節」

去西九龍海濱長廊由黃昏到半夜，海風同維港無敵境伴住睇臺灣「春浪音樂節」，開心！有我最愛嘅方大同，加上蕭敬騰、陳綺貞、張震嶽、MC Hotdog及家家等，由黃昏唱到夜晩！個場好有氣氛，個個海灘look，脚踏草地，飲住凍啤酒，一邊睇一邊跳，就算唔識d歌，有時又突然落雨，大家都依然情緒高漲，絕對值回票價！
入場嘅人個個都抱住祥和之心，有規有矩，開開心心，而大家離開嘅時候，亦會清理自己嘅垃圾，全部都係有質素嘅人！而今日最大嘅見證，係我依然「人老心不老」呀！哈哈。。。下次「春浪」再見！

Rocka Sammy「森美要滾」

睇咗「森美要滾」，可能因為係第一場，演出未夠smooth，不過當中嘅“Bird Bird Lane”,“俹簁”同“死八婆”嘅幾段真係好好笑，好抵死。。。可能今次講嘅內容有d散，我會鍾意上次talk show多d。。。無論如何，我會繼續愛森美！