Theatre Noir「Disney's Mulan Junior」

由160個小孩、少男少女演出嘅「Disney's Mulan Junior」英語音樂劇，每個人都唱得好演得好跳得好，只係用咗2星期朝9晚6去學去練，出黎嘅效果好PRO，無論係main casts 定係side casts，個個都好努力，好有passion，真係好唔簡單！真係好好睇呀！激like!

雲門舞集舞劇「九歌」

有幸睇到「雲門舞集」準備跨2年世界重演嘅舞劇「九歌」第一場，此劇已有20年歷史，今次重新製作及以新生代舞者演出！

將舞台變成了水汪汪的新鮮荷花池，用亞洲民族的音樂，襯托住舞者美妙嘅肢體語言，一切都跟舞姿交融著。。。最後一幕，舞者點亮咗幾百盞油燈，將舞台變成星河，好唔簡單！

雖然我對於屈原嘅「九歌」原作不大清楚，但可以感受到佢嘅氣度同詩意！而全劇每個畫面都似一幅幅畫！燈光一流，舞者每條肌肉輪廓都可以清楚睇到！...

亦參加咗香港唯一一場「演後談」，林懷民細說創作點滴，很有意思！而提問嘅觀眾，都係做足功課，高質數！