睇2011年最後一場舞台劇「法吻」，講一名牧師多年前與秘書熱吻後被控性騷擾，令佢失去事業、名譽、家人朋友、甚至佢對宗教嘅堅持，就似失去了靈魂。。。避走多年，在一個酒會上重遇見當年控告佢嘅女人，佢要攪清楚是誤會又或另有內情。。。當然，最後沒有絕對性嘅結論，大家有各自立場，不同感受，影響自己心中的所謂真相。。。一個依然糾纏不清的吻。。。
想睇此劇嘅原因係「莊梅岩」的劇本，可惜沒有我期待的高潮位，唔係話佢哋做得唔好，不過太過反反覆覆談論一件事，真係有d悶，亦無幾多反思位。。。我只係諗，「法吻」係2個人互動嘅，咁都告到性騷擾嘅咩？
張學友已經1/2世紀，依然fit到爆，比起好多1/3世紀嘅勁好多！我鍾意佢個份enjoy life嘅感覺！或許我嘅人生亦已行咗一半，但會慶幸自己still alive同依然保持年輕心態，樂於work hard play hard！
Weekend同d老友又睇咗一場舞台劇《男組加油！Mango!》係一套由80前寫嘅小品劇，充滿情懷及輕鬆笑位！好睇，d 情懷feel好啱囗味，給我一個舒服愉快嘅下午！我決定下次佢哋re-run，我要請同屬中佬嘅哥哥睇，等佢都可以啱feel開心吓！
要一提嘅係劇中女主角韋羅莎，又靚又好戲，幾charm，可以多加留意！
又過咗一個好開心嘅晚上，睇咗每年一度嘅《小人國》係列，演員繼續鬼馬抵死，演技出色！原有嘅風車草台柱已經無得頂，今年特別演出嘅白只好好戲，而謝雪心嘅身材同長腿好靚呀~~!
此劇係每年必須要睇嘅開心戲，如果你從來無試過睇drama, 此劇絕對係好嘅入門！不過你有興趣都要等出年，因為佢哋一早已經full house喇！：）
今晚做文化界，同女兒去睇winds concert，偷吓師！
