今年是莎士比亞逝世400周年，很多團體都會選其劇作做表演，而我今晚就選擇入場睇「神戲劇場」制作嘅《仲夏夜之夢》！
此劇並非以古典版演譯，算是「後現代」版罷，極簡單嘅場景，完全只靠演員用形體/舞蹈動作去表達，可以感覺到個個用哂全部能量去演出，絕不欺場，我估佢地每晚完場後都會倦到虛脫，辛苦哂～!
黃秋生依然顯露皇者風範，背頌住「正宗莎翁」嘅對白，就完全感受到懾人霸氣！我平時最鍾意嘅韋羅莎，繼續節奏同演技都好好！而全劇爬高爬低跳到飛起嘅禤天揚，真係超勁超辛苦，希望下次可以見到佢用靚仔樣演出啦（中女的私心）！另一個令人眼前一亮嘅係邱頌偉（亞雞），龐大身形同風格同陳淑儀好相似，充滿energy又攪笑，Like!
喜歡此劇，喜歡完場時導演/演員同觀眾嘅分享，令大家明白演出的難度。請繼續支持本土藝術！支持舞台劇！加油！
************************
**官方介紹**
愛情的道路是崎嶇不平的⋯⋯
四名年青戀人為了追求真愛，不顧後果逃到森林，上演一場熱血沸騰、大汗淋漓的愛情爭奪戰⋯⋯。
森林裡的仙王仙后因為互生妒忌，令四季失常，潮水氾濫，大小精靈個個嚇得落荒而逃⋯⋯。
還有一群傻頭傻腦的業餘演員，努力排演一齣笑破肚皮、最開心悲劇⋯⋯。
迷一般的森林令人瘋狂，令人着迷，激發出愛情裡的痴戀、迷戀、狂戀、單戀、畸戀、多角戀⋯⋯愛情就是如此盲目，使人欲生欲死，哭笑不得。
《仲夏夜之夢》是莎士比亞最浪漫抵死、最受歡迎的愛情喜劇，追隨莎翁，走進迷幻森林，來「任性」愛一場！
#神戲劇場 #舞台劇 #莎士比亞 #仲夏夜之夢 #甄詠蓓#黃秋生 #余安安 #林德信 #楊淇 #韋羅莎 #陳健豪 #𧝁天揚 #邱頌偉
今晚終於睇番d自己熟識嘅音樂，「葉德嫻x倫永亮x趙增熹x香港管弦樂團《紅白藍》演唱會」，好好睇呀！
因為我一直唔肯定自己嘅時間，唔敢買飛，只好日日loop住「預備歌單」，日日自言自語話恨睇，終於今日真係有時間，竟然又買到飛入場，超開心！
雖然只得2場，但落足本，靚！HKPHIL 伴住將classic 同 pop 融合，成件事變得好有型好有class，而當聽到葉德嫻唱「赤子」，我感動到流哂眼淚（我認我眼淺得離譜）⋯⋯ 而聽到好多梅艷芳嘅歌，想起故人，又係另一番感動！本來諗住成個Show個mood都係咁上下，點知後半部係free style，幾個老玩童開party咁，有d意想不到嘅攪笑位，我真係笑到拍哂手同有d喉嚨痛！
另外，好鍾意本場刊，除咗精美有型之外，表演者與工作人員都有街頭照，亦寫咗小故事及感言，絕對值得細讀同收藏！
總言之，此show好值得睇，強力推薦！
*************
**官方介紹**
葉德嫻 + 倫永亮 = 有實力，有創意，有品味！二人將會與重量級音樂監製趙增熹首次合體，夥拍香港管弦樂團，一起舉行《紅白藍》演唱會！用最意想不到的角度，演繹廣東樂壇經典金曲，聯手建造一個屬於香港人的演唱會！玩出最有本地情懷的音樂！
#葉德嫻 #倫永亮 #趙增熹 #香港管弦樂團 #紅白藍
女兒幾年前開始迫我欣賞「Pentatonix 」Youtube嘅片，確實覺得佢哋唱得好聽，唔明點解口技可以咁勁，跟住發現佢哋越來越紅。
期待咗幾個月，今晚終於有得去睇「Pentatonix world
Tour 2016」，5個人只係靠把口唱 a capella 做哂所有音樂及唱歌，效果豐富好聽，真係超勁！女兒同我身後一眾少男竟然首首識唱，仲要唔係唱主調，係唱和聲部分，簡直就係超級Fans！最恐怖係身後少男嘅歡呼尖叫，攪到我耳鳴，真痴線！
最鍾意一part係其中一個團員一邊拉cello一邊自己beatbox，利害！成個演唱會雖然好聽，不過真係超級短，得個幾鐘，好似聽咗幾首歌就玩完，真係有d唔夠喉！
********************
**官方介紹**
Live Nation Lushington宣佈格林美得獎的無伴奏合唱 (a capella) 組合Pentatonix，將於9月22日於亞洲國際博覽館10號館舉行其香港首次演唱會。
由2011年開始於樂壇突圍而出，成為唱片銷量破白金的組合Pentatonix，單是在美國已賣出超過320萬張專輯，贏得兩項格林美獎，在世界各地演出座無虛席，YouTube頻道累積超過15億的觀賞次數，擁有過千萬位訂閱者，也在電影《完美巨聲幫》(Pitch Perfect 2) 中演出。他們的最新專輯《Pentatonix》甫推出已奪Billboard Top 200大碟榜及Current Albums Chart的冠軍位置，亦被RIAA認證得到金唱片。首支單曲〈Can't Sleep Love〉在YouTube的點播率超過1千800萬。組合的聖誕專集《That's Christmas to Me》，由RIAA認證奪得雙白金，當中包括他們於2016格林美的勝出歌曲〈Dance of the Sugarplum Fairy〉。
他們所推出過的7張專輯均在Billboard的數碼大碟榜佔據首五位置之一，當中6張進佔Billboard Top 200 Album Chart的頭十名。最近組合的〈Daft Punk〉串燒歌及翻唱Imagine Dragons的〈Radioactive〉(ft. Lindsey Stirling) 就得到雙金數字銷量。2014年聖誕專集《That's Christmas to Me》亦是2014年的最暢銷大碟第四位。組合發佈了他們的首齣紀錄片《On My Way Home》，當中跟隨這五人組拍攝他們售罊的北美巡演旅程，包括幕後花絮、現場演出片段及他們首張原創專輯《Pentatonix》。 此張金專輯亦包含最新單曲〈If I Ever Fall In Love〉 (ft. Jason Derulo)。 組合已於4月開始了他們的2016年世界巡迴演出，即將於今年9月首度訪港，絕不能錯過這次欣賞他們現場演出的機會！
#Pentatonix #Pop Music #A capella
今晚睇舞台劇《三日月Paranoia》，一個關於猜疑與信任嘅故事。有時候當你連自己都不能相信，又怎樣相信別人呢？實際上大部分人都不喜歡「真相」，他們只會想聽到看到自己想要的，如果你硬要跟他們說真相，反而會被猜疑及誤解，最終只能換來無奈及關係轉淡⋯⋯
此劇想講述人性陰暗面，但故事刻畫未夠深入，劇情太散，演員亦沒有多大的發揮機會，可能因三個場景三對演員，花太多時間轉景，令節奏欠緊湊，以至整體感覺只是一般般！
*******************************
**官方介紹**
三日月，農曆第三日的月亮，俗稱「娥眉月」，陰暗面比明亮面顯著。 Paranoia，偏執狂，妄想症之一。你真的清楚最親密的人諗緊乜？ 口口聲聲愛情至上的他其實會否是一個貪錢的人？平日聲大夾惡的他其實內心非常脆弱？每個人總有一些潛藏的人格。 一單兇案，引發三段親密關係的崩壞：決定閃婚的情侶、最有默契的師徒、失聯多年再重逢的好友，六個人都因為案件的發生而開始懷疑身邊最親密的人，是對方真的有問題？抑或只是自己的妄想？ 佛典有云：「旗未動，風也未吹，是人的心自己在動。」原來，最難掌握的可能不是別人在想甚麼，而是你自己的心。
#W創作社 #梁祖堯 #白只 #陳淑儀 #邵美君#黃呈欣 #楊螢映 #舞台劇 #三日月 #Paranoia
睇「林海峰是但噏廣東話」，實在不負眾望，好睇！用心準備嘅內容，完美燈光背景，有趣video，以聲音做角色扮演，尾段羣舞及音樂更令人興奮！雖然內容圍繞當下種種，但卻充滿正能量，令我過咗一個開心晚上！Good Show!
順帶一題，「都會商場」嘅印度菜原來好好食，所以今晚更加滿足！
#林海峰 #是但噏 #廣東話 #concert
今晚帶住一點醉意睇《阿晶想旅行》尾場，用剪紙方法做背景，現場伴奏，大量形體動作，由三個演員演繹不同人物說著旅行時嘅小故事！當中以「龍蝦母女@首爾」最令人爆笑，真係抵死賤格到不得之了，超LIKE!
我似乎笑得太勁太大聲，喉嚨有d痛！而講述姊妹情嘅一段「療傷」，唔知點解會睇到眼濕濕⋯⋯ 而佢哋謝幕都一樣令人感動，完全感受到係一班家人/朋友帶著愛去共同努力完成一件事！Good Show!
睇完真係會令我諗番以前嘅旅行，仲好記得笑過喊過哀過癲過火過嘅一切，真係好想去旅行呀！我都想暫時忘記煩惱同無奈，放浪一下，幾時會有錢有時間有腳肯同我去旅行呢？
********************
**官方介紹**
風車草劇團「忙與盲」第二部曲
《阿晶想旅行》
Lazy People Love Traveling
人生就系旅行
風車草劇團繼上年《忙與盲的奮鬥時代》有血有肉道盡雨傘運動後香港人各行各業的心態，今年再下一城，創作「忙與盲」的第二部曲－《阿晶想旅行》，以旅行為切入點，剖析我們對這個家又愛又恨的矛盾心態。
阿晶、阿精、阿貞、和千千萬萬的阿Jing 都是典型香港人。香港人，最喜歡就是旅行。開心去旅行、不開心去散心、長假去遠一點、短假去近一點。香港人都愛香港，但為什麼飛機的前轆接觸到赤鱲角跑道的一刻，心裡面總按耐不住那句Sh_t!!?
這次演出由劇團三位核心成員邵美君、湯駿業和梁祖堯一手包辦編、導、演，三人分飾無限個代表香港人阿晶、阿精、阿貞…...在短篇故事當中，配合紀實錄像，探討香港人旅行時候的千奇百怪現象。從身體的旅行，到精神的旅行，到最後其實成個人生都只不過系一次旅行吧！三人成團，帶你玩勻全世界。滄海桑田，我們重新愛上香港這個家！
#邵美君 #湯駿業 #梁祖堯 #風車草劇團 #阿晶想旅行
睇《騷眉勿擾》45mins Soulmate 尾場，故事環繞客人同按摩師嘅關係，身為一個骨精，對當中嘅吹水關係非常了解，如果遇到一個比較啱傾嘅按摩師，那45分鐘確實感覺會好啲，有時按摩真係要講「骨緣」！哈哈⋯⋯
雖然全劇只有三個演員，但我反而覺得內容暢順豐富，沒有悶場又幾好笑，劇本好！王菀之x白只嘅演出非常自然舒服，而龍文康嘅穿插演出亦係亮點，好搞笑！
***********************
**官方介紹**
「只」「之」一家的幽默怪雞 徘徊於騷眉與騷擾之間的浪漫 由Kearen Pang Production及寰亞娛樂有限公司聯合主辦，香港電影金像獎「最佳女配角」「最佳新演員」王菀之與台灣金馬獎「最佳男配角」白只 聯合主演，由電視劇《老表，你好嘢！》及舞台劇《大龍鳳》龍文康編劇、香港舞台劇獎「最佳導演」陳淑儀執導，加上香港舞台劇獎「最佳男主角」楊偉倫主演，《騷眉勿擾》將於6月10日起在香港演藝學院歌劇院公演！ 故事講述王菀之的燈飾設計師與白只的按摩師於異地相遇，兩人透過每日45分鐘的按摩時間親密接觸，在酒店房門掛上 "Do Not Disturb" 的門牌後，拒絕世界上一切的干擾和滋擾，建立一種獨特而浪漫的特殊關係...兩位新世代喜劇演員將發揮他們「只」「之」一家的幽默演技，訴說這個怪雞而浪漫的曖昧愛情故事，加上最強勁的台前幕後喜劇班底，讓大家「忍笑以待」！
#王菀之 #白只 #龍文康 #陳淑儀 #楊偉倫 #騷眉勿擾
