2015年7月11日 星期六

W創作社《小人國5》

等咗2年,今晚終於有得睇《小人國5》,開心興奮!今晚第一場,係有d地方疊script 同唔順,但依舊好精彩,全劇分為8個故事組合而成,情節繼續反映現況,用咗抵死方法講故事、夠哂賤賤格格,演員又夠放,真係笑死人無命賠,笑足兩個鐘,完場時我已經笑到聲沙!當中嘅「抽水伊人」同「卸膊操」真係笑點爆燈!

不經不覺由第一季至今已過咗8年,由壽臣劇院,到葵青劇院,到今季在演藝劇院演出,場地變大,場數增多,有更多觀眾可以欣賞,確實好事,香港人真係好需要開心下架,好值得睇此劇,絕不能錯過!噢⋯ 又要再等另一個2年⋯

**************************
**
官方介紹**

W
創作社 X 梁祖堯 X 王菀之 X 邵美君 X 湯駿業 X 白只X 韋羅莎 X 鄧世昌 繼《小人國4》大hit「卸膊操」後全新第5集的笑爆「香港小人」陰濕喜劇



《小人國》系列由W創作社主辦,風車草劇團協辦,以嬉笑怒罵的手法,數臭「梗有一個喺你左近」的香港小人。07,09,11,13年公演的第1-4集,53場演出均票房全滿,累積超過 40,000 觀眾人次,笑聲掌聲不停,當中所創作的角色如基米高、馮陳美嬋、Heidi、Christine Law及鬼妹仔Rosemary均大受歡迎,而《小人國4》內的<職場卸膊操>視頻更在網上大hit,點擊率超過一千萬! 全新內容的第5集將移師演藝學院歌劇院,於7月10日至26日爆笑公演,繼續由黃智龍擔任編劇及導演,演員陣容除了原有強勁「小人班底」梁祖堯、邵美君、湯駿業、白只及鄧世昌外,勇奪今屆香港電影金像獎最佳新演員及最佳女配角兩奬、曾演出第4集的王菀之再度參演,獲得今屆香港舞台劇獎最佳女主角提名的韋羅莎亦強勢加入「小人」聯盟。

編劇、導演:黃智龍

主演:梁祖堯、王菀之、湯駿業 、邵美君、白只、 韋羅莎、鄧世昌
 

2015年6月26日 星期五

三角關係《廢坑的黃色笑話之條鐵是這樣煉成的》

上星期擔心有流血衝突,最終「政壇奇蹟日」由悲轉笑,真心覺得劇情比周星星電影好笑!今晚睇三角關係《廢坑的黃色笑話之條鐵是這樣煉成的》,係諗住笑一餐,但結果就由笑轉哀,睇到尾段及至此刻,眼淚尚在微微滾動!去年秋天的79日,令劇團用心(我相信亦用淚)加上對香港嘅愛寫成此劇,有深情喻意,用咗好好嘅比喻方法說著香港當下的真真假假與及人和事,雖然用咗一些攪笑手法演出,但我實際感覺反而係悲傷有淚,最大感觸係那句「雖然失望,但不要絕望!」

無論你對那79天的定價如何,只要係香港人,睇此劇都應該會有所感悟,別錯過!

************************

**
官方介紹**

我同你地係唔同嘅!

我少去金鐘,唔知催淚彈咩嘢味道,露營都未試過,更加唔會瞓街啦! 你地班友成日叫人罷睇cctvb,但係我老母晚晚唔追膠劇就瞓唔著㗎,我唔陪佢睇真係好不孝;早排見班學生喺牆上面貼滿晒五顏六色嘅便條紙,我覺得好唔環保囉,聽講重話有個咩街邊自修室,係咪乘機去拍拖玩唔返屋企咋?細路,中學生不應談戀愛呀!

我知,我講野好多人都唔啱聽,咁你咪照樣unfriend我囉,不過我連facebook都無喎。政治嘅野,關我遮事咩! 不過好彩,家陣條路通番,啲車塞番,警察光明番,社會和諧番,生活正常番。咁就最好啦,係咪?

故事從一間多人合租的天台劏房開始。因為一件突發的社會跌橙事件,令這裡本來安排好的休息秩序產生了混亂,透過不同背景年齡性別的租客碰面、嗌交、談心、唱遊等不同表演形式,呈現七十九天後香港人的正常生活。

本節目可能含不雅用語、潮語、男扮女易服癖、暗角見鬼恐佈場面、警民關係冷笑話、政治內容等等等等,不適合沒有幽默感人士觀看,敬請留意。

2015年6月12日 星期五

「發燒碟」天后Susan Wong

今晚被邀參加一個小型音樂會,由「發燒碟」天后Susan Wong同Live Band 現場演唱,屬於silence concert,觀眾需要帶上靚headphone SONY MDR-1A 接收原音現場,否則你就算坐在歌手旁邊都係mug都聽唔到!今晚終於知道mug嘢係靚聲,原來真係清到一粒沙都無!雖然個show好短,不過都幾好聽,幾得意!Happy Friday!

2015年6月5日 星期五

風車草劇團「只談喜愛 不談戀愛」


今晚睇首場「只談喜愛 不談戀愛」,演出沒有令人失望,給我一個開心嘅夜晚。劇情有d似2013年一套電影「About Time」,一個可穿越時空嘅男仔,不停回到過去修正與女孩嘅相處方法,從而建立一段關係⋯ 故事探討人生經歷是否有得修正就可以得到最好呢?如果可以修正歷史,雖然有些事改善咗,但有些事可能亦會同時失去,到底是禍是福,真係好難講。所以都係唔好諗咁多,繼續好好回味自己嘅經歷,積極面對錯誤,要去改就改自己嘅將來!

今晚亮點係當奴嘅幾段戲,好攪笑!特別係「體育世界」一幕,好鍾意!而湯駿業自己做哂編、監、導、演,真係唔簡單!此劇有live band加小塵埃嘅歌聲,加重咗那份獨特嘅氣質!

**
官方介紹**

湯駿業繼《築地哈林》之後全新音樂劇場
《只談喜愛 不談戀愛》

風車草劇團的湯駿業繼《築地哈林》之後,再次編導一個讓人感動的音樂劇場,聯同白只及音樂鬼才Edward Chan,帶領組合小塵埃、當奴、蔡運華及陸昕,一起進入這個有限的時空,經歷一段可能被忘懷的故事。

編劇: 湯駿業
音樂總監: Edward Chan
聯合導演: 湯駿業、凌智豪 (白只)
主演: 湯駿業、當奴@903、蔡運華、陸昕、湯凱婷@小塵埃、屈霆軒@小塵埃

2015年5月8日 星期五

藝穗會 Live Music Show "Interlude: Music For Oboe and Strings"


Happy Friday 去咗「藝穗會」睇 Live Music Show "Interlude: Music For Oboe and Strings",在小cafe內飲番一杯再近距離欣賞古典室樂,感覺真好!

2015年5月1日 星期五

HKPhil “The Flying Frenchman” (飄泊的法國人)

今晚去聽 HKPhil的 “The Flying Frenchman” (飄泊的法國人),有好cute嘅客席指揮,好聽嘅樂章,同超差嘅觀眾!真係唔明,點解咁多人唔準時,遲到仲要慢流入座?點解會有人唔關電話?點解幾個C9顧住自己談笑?真係好想走去鬧爆佢哋!到底我幾時可以睇到一場完全唔發火嘅concert呢?

**PROGRAMME**

BERLIOZ
Harold in Italy 

RAVEL
Rapsodie espagnole

ROUSSEL
Bacchus et Ariane, Suite no. 2 

法國作曲家偏愛將異國風情入樂,尤其是通過音樂描繪異地探秘的歷程。白遼士從詩人拜倫所描寫的意大利山景獲得靈感。故事中的主角哈羅爾德深深被意大利的風土人情所吸引,白遼士以獨奏中提琴感情豐富的琴音代表。而拉威爾則被充滿活力的西班牙所感染,狂歡嘉年華熱鬧繽紛。是次音樂會送上純正的法國音樂,帶您游走異國地貌。

2015年4月23日 星期四

風車草劇團「愛與人渣」(Unidentified Human Remains and the True Nature of Love)


今晚睇翻譯劇「愛與人渣」(Unidentified Human Remains and the True Nature of Love),一個沉鬱劇目,故事圍繞著同性戀及異性戀,各人都有內心困擾,由於我未有試過相同問題,比較難有共鳴。劇本用咗特別演繹方法,各人對白於不同時空接續著,迫你要小心聽好內容,否則你會miss咗角色嘅以往及內心想法。梁祖堯除咗演技好,翻譯能力亦高強,而首次演舞台劇嘅卓韻芝比預期頒要好,非常自然,與梁祖堯配合得非常好!

黃呈欣全劇都只係三點式同魚網絲襪,我一直都擔心佢會走光同冷親!雖然我思想開放,不過此劇真係太多操口同成人情節,應該要規定18歲以上才可以睇!

********************
**
官方介紹**

因為寂寞,我們還要走多少歪路?

這個城市的黑暗處,有着這一班人中渣滓:梁祖堯飾演的David每晚在基吧用陌生人身體否定愛的存在,而他的前度女友Candy(卓韻芝飾)在男友突然變攣後則來者不拒尋找愛情,更周旋於對她一往情深女同志 Jerri(邵美君飾) 和大滾友bar tender Richard 間。

Bernie
(湯駿業飾)在前女友自殺身亡後以日間工作麻醉自己,但夜晚酗酒成性,酒後失控更傷痕纍纍。SM系妓女Benita 情和慾都是她服務範圍,因為她另一身份是靈媒,她能夠感應到每個客人心靈深處隱藏着的秘密。17歲少年Kane 是David 的忠實粉絲,他對David 的愛是甚麼就連他自己也搞不清。

城內近日出現連環殺手,多個年輕女子被殘酷殺害,警方毫無頭緒,但兇手就是他們其中一人...


#風車草劇團 #梁祖堯 #湯駿業 #卓韻芝 #邵美君 #黃呈欣 #舞台劇